ءاليحان سمايىلوۆ ماڭعىستاۋلىق كىشكەنتاي ءاليحاننىڭ تۇساۋىن كەستى
اقتاۋ. قازاقپارات - پرەمەر-مينيستر ماڭعىستاۋلىق كىشكەنتاي ءاليحاننىڭ تۇساۋىن كەستى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.
جۇمىس ساپارىمەن ماڭعىستاۋ وبلىسىندا جۇرگەن ۇكىمەت باسشىسى ءوڭىر تۇرعىنىنىڭ ءوتىنىشىن جەرگە تاستاماي، ءبىر جاسار ءاليحان ەسىمدى ءبۇلدىرشىننىڭ تۇساۋىن كەستى.

«قازاقى داستۇرمەن نەمەرەمنىڭ تۇساۋىن كەسۋدى جوسپارلاپ ءجۇر ەدىم. ءساتى ءتۇسىپ، پرەمەر-مينيستر ءاليحان سمايىلوۆقا بالامىزدىڭ تۇساۋىن كەستىرىپ، جاقسىلىققا بالاپ وتىرمىز»، — دەيدى ءاليحاننىڭ اتاسى قايىرجان نيازوۆ.

ۇكىمەت باسشىسى بۇلدىرشىنگە اق جول، بولاشاعىنىڭ جارقىن بولۋىن تىلەدى.