ا ە س قۇرىلىسى: قوعامدىق تىڭداۋدا قاي ماسەلەلەر قارالادى
«جالپى، قولدانىستاعى زاڭناماعا سايكەس، بۇل ستانتسيانىڭ قۇرىلىسىن سالۋ ءتارتىبى بەلگىلەندى، مەملەكەتتىك ورتالىق جانە جەرگىلىكتى ورگانداردىڭ قۇزىرەتى ناقتىلانعان، سونداي-اق قوعامدىق تىڭداۋلار وتكىزۋ پروتسەدۋرالارى، ۋچاسكەنى انىقتاۋعا، ساراپشىلاردى تارتۋعا قاتىستى مەحانيزم بار. ءبىز كونكۋرس بويىنشا ءتورت نەگىزگى جانە ەكى قوسىمشا قاتىسۋشىنىڭ وتىنىمدەرىن قاراستىرىپ جاتىرمىز. ولار بارلىق وسى راسىمنەن وتكەن جاعدايدا، اتوم ەلەكتر ستانتسياسىنىڭ قۇرىلىسى بويىنشا كونكۋرسقا قاتىسۋى مۇمكىن»، - دەدى ا. ساتقاليەۆ ماجىلىستە تىلشىلەر سۇراعىنا جاۋاپ بەرە وتىرىپ.
سونىمەن قاتار ول قوعامدىق تىڭداۋسىز ا ە س قۇرىلىسى بولمايتىنىن ايتتى.
«بىرىنشىدەن، قوعامدىق تىڭداۋلار وتكىزىلىپ، ونىڭ بارىسىندا سالىناتىن الاڭ بەلگىلەنەدى. سودان كەيىن قوعامدىق تىڭداۋلار نەگىزىندە باستاپقى ازىرلەۋ قۇجاتتاماسىنا ءتيىستى تۇزەتۋلەر ەنگىزىلەدى، قوعامدىق تىڭداۋلارداعى جەرگىلىكتى ادامداردىڭ جانە جەرگىلىكتى اتقارۋشى ورگانداردىڭ ۇسىنىستارى ەسكەرىلەدى»، - دەدى مينيستر.
