دجو بايدەننىڭ ۇلى سالىق تولەمەگەنى ءۇشىن جازالانادى
ول ەكى جىل ۋكراينا مەن قىتايدا جۇمىس ىستەپ تاپقان قوماقتى قارجىسىن جاسىرعان. بۇعان قاتىستى تەرگەۋ ءىسى دونالد ترامپتىڭ تۇسىندا باستالعان ەدى. حانتەر بايدەننىڭ ەسىرتكى پايدالانىپ، زاڭسىز تاپانشا ساتىپ العانى دا اشكەرە بولدى. ءبىراق، ايىپتاۋمەن كەلىسىپ، سالىقتان جالتارعانىن مويىنداعانى ءۇشىن دەلاۆەر شتاتىنىڭ باس پروكۋرورى ونى قىلمىستىق قۋدالاماۋعا ۋادە بەرگەن.
رەسپۋبليكاشىلدار بولسا، پرەزيدەنتتىڭ ۇلى جەڭىل جازامەن قۇتىلىپ كەتپەك دەپ سىنعا الدى. جەكە مۇددەسى ءۇشىن ءوزىنىڭ نە تۋىسىنىڭ لاۋازىمىن پايدالانۋ ا ق ش- تا قاتاڭ جازالانادى. سوندىقتان ساراپشىلاردىڭ پىكىرىنشە، وپپوزيتسيا بۇل جاعدايدى كەلەر جىلى وتەتىن پرەزيدەنتتىك سايلاۋدا دجو بايدەنگە قارسى پايدالانادى.
www.24.kz
