قازاقشا سويلەيىك: ءتىلدى تەگىن ۇيرەنىپ، ساياحاتقا جولداما ۇتقان كىمدەر؟
ال KMF كومپانياسى ءوز قىزمەتكەرلەرى ءۇشىن مەملەكەتتىك ءتىلدى ۇيرەتەتىن كۋرستاردى وسىدان 10 اي بۇرىن باستادى. ەڭ قىزىعى - تەگىن! قازاقستانداعى ەڭ ءىرى ميكروقارجى ۇيىمى KMF كومپانياسى قىزمەتكەرلەرىنىڭ جالپى سانى 2 مىڭنان اسادى.
ال رەسپۋبليكا بويىنشا 4 مىڭنان اسا ەلدىمەكەندى قىزمەتىمەن قامتىپ وتىرعان كومپانيا كليەنتتەرىنىڭ باسىم بولىگى اۋىلدىق جەرلەردە. دەمەك، تۇتىنۋشىلاردىڭ كوپشىلىگى – قازاق ءتىلدى. ءوز كليەنتتەرىنە ەكى تىلدە ءارى ەڭ جوعارى دەڭگەيدە قىزمەت كورسەتۋ ماقساتىندا باستاۋ العان جوبانىڭ العاشقى تۇلەكتەرى ءۇش كەزەڭنەن تۇراتىن ەمتيحاندار تاپسىرىپ، ەڭ ۇزدىك ناتيجە كورسەتكەندەر ساياحاتقا سەرتيفيكات ۇتىپ الدى.
ەندى ولار كيەلى تۇركىستان جەرىندە تاريحي، كوز تويماس تۋريستىك ايماقتارىن ارالاپ، ەستەن كەتپەس دەمالىستارىن وتكىزەدى.
«KMF - الەۋمەتتىك جاۋاپتى جۇمىس بەرۋشى. ءبىزدىڭ باستى مىندەتىمىز - كليەنتتەرىمىزگە ەڭ جوعارى دەڭگەيدە قىزمەت كورسەتۋ. قىزمەتكەرلەرىمىزگە قازاق ءتىلىن تەگىن ۇيرەتۋدەگى ماقساتىمىز دا سول ەدى. الايدا ءبىز كەڭسەمىزدە عانا ەكى تىلدە ساپالى قىزمەت كورسەتىپ قانا قويمايمىز، ءبىزدىڭ تسيفرلىق كانالدارىمىز دا تولىقتاي ەكى تىلدە ۇسىنىلعان»، - دەيدى KMF باسقارما ءتوراعاسىنىڭ ءبىرىنشى ورىنباسارى الميرا ابەنوۆا.
كومپانياداعىلاردىڭ ايتۋىنشا، قازاق ءتىلى ساباقتارى اپتاسىنا ەكى رەت، ارنايى ازىرلەنگەن ادىستەمە نەگىزىندە وقىتىلعان. باستاپقىدا وعان بىرەن-ساران ادام جازىلىپ، كەيىننەن نيەت بىلدىرۋشىلەر قاتارى ارتىپتى. قازاق ءتىلىن ۇيرەتۋمەن اينالىساتىندار اراسىندا وتكەن بايقاۋدا جەڭگەن كومپانيانىڭ ەڭ ۇزدىك ۇستازدارى ءتالىم بەرىپ، ءتۇرلى بايقاۋلار وتكىزىلگەن.
وسىلايشا، ءتىل ۇيرەنۋ جاي عانا ساباق ەمەس، قىزىقتى ءىس-شاراعا اينالعان كورىنەدى.
«ءتىل ۇيرەنۋدە تالاپ قويۋدىڭ ءوزى ارتىق. ءتىلدى قىزىعۋشىلىقپەن، سۇيىسپەنشىلىكپەن مەڭگەرۋ ماڭىزدى. قىزمەتكەرلەرىمىز ءۇشىن كۋرسىمىزدىڭ سوڭعى كەزەڭى، شىعارماشىلىق ەمتيحاندى تاپسىرۋدىڭ ءوزى كىشىگىرىم مەرەكەگە اينالدى. ولار قازاق تىلىندە ءان ايتىپ، ولەڭ وقىپ، ەرتەگى، اڭگىمەلەرىن ايتىپ بەردى. اراسىندا قازاق ءتىلىن نولدەن باستاعاندار دا بار، مۇنى كورگەن وڭىردەگى قىزمەتكەرلەرىمىز دە قاتىسۋعا قۇلشىنىپ وتىر»، - دەيدى الميرا ابەنوۆا.
ايتا كەتەيىك، KMF-تىڭ قازاقستان بويىنشا 15 فيليالى مەن 117 بولىمشەسى بار. اۋىل شارۋاشىلىعى، بيزنەس پەن تۇتىنۋشىلىق ءۇشىن ميكروقارجى ونىمدەرىن ۇسىناتىن كومپانيانىڭ باستى ۇستانىمى - شاعىن كاسىپكەرلىكتى قارجىلاندىرىپ، قولداۋ.
وسىلايشا كومپانيا ەلىمىزدىڭ ەكونوميكاسىن عانا ەمەس قازاق ءتىلىن تەگىن ۇيرەتۋ ارقىلى مەملەكەتتىك ءتىلدىڭ دە دامۋىنا زور ۇلەس قوسپاق.
nur.kz
