مۇحامەدي ۇلى «قۇرمەت» جانە «پاراسات» وردەنىنەن، قايراتكەر اتاعىنان ايىرىلادى

«پرەزيدەنتكە ارىستانبەك مۇحامەدي ۇلىنا بەرىلگەن «ق ر ەڭبەگى سىڭگەن قايراتكەرى» اتاعى، سونىمەن قاتار «قۇرمەت» جانە «پاراسات» وردەنىنەن ايىرۋ تۋرالى ۇسىنىس بەرىلسىن»، - دەدى ۇكىمدى وقىعان سۋديا باعلان ىدىرىسوۆ.

ۇلتتىق مۋزەيدىڭ بۇرىنعى باسشىسى سوت ۇكىمىنە سايكەس، ءومىر بويى مەملەكەتتىك قىزمەتتە ەڭبەك ەتۋ قۇقىعىنان ايرىلدى.

سونداي- اق، ۇكىمدە ارىستانبەك مۇحامەدي ۇلىنىڭ دۇنيە- مۇلكى تاركىلەنبەيتىنى ايتىلعان.

بۇعان دەيىن حابارلاعانىمىزداي، ارىستانبەك مۇحامەدي ۇلى 8 جىلعا سوتتالدى.

«ارىستانبەك مۇحامەدي ۇلى ق ر قىلمىستىق كودەكستىڭ 28-بابى 3-بولىگى جانە 189-بولىگى 4-تارماعى 2-تارماعى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلسىن. 8 جىلعا باس بوستاندىعىنان ايىرۋ جازاسى تاعايىندالسىن»، - دەدى سۋديا باعلان ىدىرىسوۆ.

ودان بولەك، سۋديا ارىستانبەك مۇحامەدي ۇلىنىڭ سىبايلاستارىنا دا ۇكىم شىعاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى