قازاقستاندىقتار قانداي قىزمەتتەرگە جيى شاعىمدانادى

بۇل تۋرالى ساۋدا جانە ينتەگراتسيا مينيسترلىگى تۇتىنۋشىلار قۇقىعىن قورعاۋ كوميتەتىنىڭ ءتوراعاسى اسقار تىنىسبەكوۆ ءمالىم ەتتى، دەپ حابارلايدى قازاقپارات ءتىلشىسى.

«تۇتىنۋشىلار قۇقىعى بۇزىلعانى تۋرالى شاعىمدار جىل سايىن 20 پايىزعا وسەدى. وتكەن جىلى ءبىزدىڭ مينيسترلىك 30,2 مىڭنان استام ءوتىنىشتى قارادى. وسىنداي جاعداي وزگە مەملەكەتتىك ورگاندار بويىنشا دا بايقالدى. وتكەن جىلى تۇتىنۋشىلاردان 50 مىڭعا جۋىق ءوتىنىش كەلىپ ءتۇستى. شاعىمدار كوبىنە بولشەك ساۋدا (48 پايىز)، تۇرمىستىق قىزمەتتەر (19 پايىز)، ەلەكتروندى ساۋدا (9 پايىز) جانە تۇرعىن ءۇي كوممۋنالدىق شارۋاشىلىعى قىزمەتتەرىنە (5,6 پايىز) قاتىستى»، - دەدى اسقار تىنىسبەكوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

كوميتەت باسشىسىنىڭ ايتۋىنشا، تۇتىنۋشىلار تاراپىنان قوعامدىق تاماقتانۋ، كولىك، مەديتسينا جانە بايلانىس قىزمەتتەرى بويىنشا ارىز-شاعىم سانى ازايماي تۇر.

«تۇتىنۋشىلار شاعىمىنىڭ سانى ءىستىڭ ناقتى جاي-كۇيىن كورسەتپەيتىنىن ءتۇسىنۋ كەرەك. ويتكەنى، قۇقىعى مەن زاڭدى مۇددەلەرى بۇزىلعان بارلىق ازامات مەملەكەتتىك ورگاندارعا جۇگىنە بەرمەيدى. ونى الەۋمەتتىك ساۋالناما ناتيجەسى راستاپ وتىر»، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى