پارلامەنت پالاتالارىنىڭ بىرلەسكەن وتىرىسى باستالدى
بىرلەسكەن وتىرىسقا ق ر سەنات ءتوراعاسى ماۋلەن اشىمبايەۆ، ءماجىلىس ءتوراعاسى ەرلان قوشانوۆ، ق ر ۇكىمەت باسشىسى ءاليحان سمايىلوۆ، جوعارى اۋديتورلىق پالاتانىڭ ءتوراعاسى ناتاليا گودۋنوۆا، ۇكىمەت مۇشەلەرى قاتىسىپ جاتىر.
بۇگىن كونستيتۋتسيالىق سوتتىڭ «قازاقستان رەسپۋبليكاسىنداعى كونستيتۋتسيالىق زاڭدىلىقتىڭ جاي-كۇيى تۋرالى» جولداۋى، سونداي-اق قازاقستان رەسپۋبليكاسى ۇكىمەتىنىڭ جانە جوعارى اۋديتورلىق پالاتاسىنىڭ 2022-جىلعى رەسپۋبليكالىق بيۋجەتتىڭ اتقارىلۋى تۋرالى ەسەپتەرى قارالادى.
سونىمەن قاتار، وتىرىستا «پروكۋراتۋرا تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسى تالقىلانادى.
