سۋعا باتىپ بارا جاتقان قىزدى قۇتقارعان الماتىلىقتار ماراپاتتالدى

ماراپاتتى الماتى قالاسى ت ج د باستىعىنىڭ مىندەتىن اتقارۋشى پولكوۆنيك ەرلان الىبەكوۆ تابىس ەتتى.

«ازاماتتىق قورعاۋ ورگاندارىنىڭ اتىنان سىزدەرگە ەرلىكتەرىڭىز ءۇشىن العىس ايتامىن. سىزدەر قىزدى قۇتقارىپ، وعان ەكىنشى ءومىر سىيلادىڭىزدار دەپ تە ايتۋعا بولادى. سىزدەردىڭ شەبەر ارەكەتتەرىڭىز بەن ازاماتتىق ۇستانىمدارىڭىزدىڭ ارقاسىندا جازاتايىم وقيعانىڭ بولۋىنا جول بەرىلمەدى. سىزگە جانە ۇجىمىڭىزعا سپورتتا جانە جاتتىقتىرۋشىلىق قىزمەتتە ۇلكەن تابىس تىلەيمىن. جالپى، قالا تۇرعىندارى مەن قوناقتارىنا جولدى قىسقارتپاۋعا جانە وسى كاسكادتاردىڭ استىنان وتپەۋىنە كەڭەس بەرەمىز. كاسكادتاردىڭ تايعاق بولۋىنا بايلانىستى قاۋىپتى بولىپ تابىلادى»، - دەدى ەرلان الىبەكوۆ.

ايتا كەتەيىك، 2-ماۋسىم كۇنى ساعات 20:00 شاماسىندا بوكستان جاتتىقتىرۋشى سافين دانيار شاكىرتتەرىمەن «شاحريستان» تۇرعىن ءۇي ايماعىنداعى ۇلكەن الماتى وزەنى بويىمەن جۇگىرىپ كەلە جاقتان. كەنەتتەن، الدا كەلە جاتقان توپ مۇشەلەرى دانياردى شاقىرىپ الىپ، سۋدى نۇسقادى. ول سۋ اعىنىنان بالانىڭ ەكى قولىن كوردى، بۇل 13-14 جاس شاماسىنداعى قىز بالا ەدى.

دانيار ومىرىنە قاۋىپ تونگەنىنە قاراماستان، ءبىر سەكۋندتا كىدىرمەي، وزەنگە ءتۇسىپ قىزدى قۇتقارىپ، ونى قاۋىپسىز جەرگە شىعارۋعا كومەكتەسكەن ەكى شاكىرتىنە بەردى.

«مەنىڭ سول اياعىمدى قاتتى اعىن تارتتى. وڭ اياعىممەن بەتون تىرەگىنە سۇيەنىپ، سۋدان السىرەپ قالعان قىزدى بىردەن شىعارىپ الدىم. شاماسى، ول ۇزاق ۋاقىت بويى سۋدان شىعۋعا تىرىسقان، الايدا اعىندى جەڭە الماي، سۋ استىنا كەتە باستاعان. قىز قۇربىسىمەن جانە قۇتقارۋعا كومەكتەسكەن ەرەسەكتەرمەن قاۋىپسىز جەرگە شىعارىلدى. وكىنىشكە وراي، مەن قىزدىڭ اتىن سۇراپ ۇلگەرمەدىم، ونى قاۋىپسىزدىگىنە كوز جەتكىزدىم دە، جۇمىسىما قايتا ورالدىم. سۋعا باتىپ بارا جاتقان قىزدى بايقاعان شاكىرتتەرمە راحمەت ايتقىم كەلەدى»، - دەيدى دانيار سافين.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى