وزبەكستان اۋماعىن شاڭدى داۋىل باستى - ۆيدەو

19-ماۋسىم كۇنى وزبەكستاننىڭ ءبىرقاتار وڭىرىندە قۇيىندى شاڭدى داۋىل تۇردى. الەۋمەتتىك جەلىلەردە تاراپ جاتقان ۆيدەولاردان كۇن رايىنىڭ بۇزىلۋىنان تۋىنداعان كولىك كەپتەلىستەرىن كورۋگە بولادى.

ەلدىڭ توتەنشە جاعدايلار مينيسترلىگىنىڭ دەرەگىنە سايكەس، دۇيسەنبى كۇنى ناۋاي، بۇقار جانە سامارقان وبلىستارىندا قاتتى جەل سالدارىنان شاڭدى داۋىل كوتەرىلگەن. شاڭدى داۋىلدار وزبەكستاندا، سونداي-اق ورتالىق ازيا ەلدەرىندە ءجيى بولاتىن قۇبىلىس.

ءمالىم ەتىلگەندەي، قازىرگى ۋاقىتقا دەيىن ت ج م-عا تابيعاتتىڭ توسىن مىنەزىنەن زارداپ شەككەندەر تۋرالى حابارلامالار تۇسكەن جوق.

باتىس وبلىستاردا كۇن رايى تۇراقتاندى، ال تاشكەنت قالاسىندا قاتتى شاڭدى داۋىل ساقتالىپ تۇر.

ءتورت وبلىستا قۇيىندى جەلدەن 40 مىڭنان استام ابونەنت ەلەكتر ەنەرگياسىنان اجىراتىلدى.

ەكولوگيا مينيسترلىگىنىڭ اقپاراتىنا سۇيەنسەك، 19-ماۋسىم، ساعات 17.00 گە دەيىن بۇقار جانە ناۋاي وبلىستارىندا بىرنەشە ونداعان مىڭ ءۇي جارىقسىز قالدى. اتاپ ايتقاندا، قازىر بۇقار وبلىسىنداعى شافيركانسك، پەشكۋنسك جانە گيجدۋۆانسك اۋداندارىندا 6 مىڭ تۇتىنۋشى، ناۋاي وبلىسىندا نۋراتينسك، ناۆباحورسك، كانيمەحسك جانە كارمانينسك اۋداندارىندا 23560 تۇتىنۋشى ەلەكتر ەنەرگياسىز وتىر.

«ەلەكتر جارىعى اۋداندا قاتتى جەل باسىلعاننان كەيىن قالپىنا كەلتىرىلەدى»، - دەدى ەكولوگيا مينيسترلىگىنەن.

كەيىننەن اتالعان مينيسترلىك ساعات 18.00-گە قاراي سامارقان وبلىسىنىڭ پاحتاچينسك جانە كوشراباتسك اۋداندارىندا تاعى 9 مىڭ ۇيدە جارىق وشكەنى تۋرالى حابارلادى.

جيزاق وبلىسىندا ساعات 19.00 دەگى جاعداي بويىنشا، جيزاق قالاسىندا، فاريشسك، ارناسايسك، دۋستليكسك، شاراف- راشيدوۆسك، گاللياارالسك جانە پاحتاكورسك اۋداندارىندا بارلىعى 12250 ابونەنت ەنەرگيادان اجىراتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى