بالالار گازدالعان سۋسىننان ۋلانىپ جاتقانى راس پا؟

ق ر د س م سانيتاريالىق-ەپيدەميولوگيالىق باقىلاۋ كوميتەتى بۇل اقپاراتتى تەرىسكە شىعاردى.

حابارلامادا «تارحۋن» جانە «سيترو» گازدالعان سۋسىندارى عانا ەمەس، سونىمەن قاتار، MM’S دراجەسى، Milky way شوكولادى، ديۋشەس جانە بارباريس كامپيتتەرى جانە باسقا دا ءبىرقاتار تاعام قاۋىپتى دەپ تانىلعانى ايتىلعان.

ق ر دسم سانيتاريالىق-ەپيدەميولوگيالىق باقىلاۋ كوميتەتى تىزىمدەگى بىردە-ءبىر ءونىم قاۋىپتى دەپ تانىلماعانىن، سونداي-اق، قازاقستاندا گازدالعان سۋسىننان قاتتى ۋلانۋ جاعدايلارى تىركەلمەگەنىن حابارلادى.

«ق ر د س م سانيتاريالىق-ەپيدەميولوگيالىق باقىلاۋ كوميتەتى الەۋمەتتىك جەلىلەردە تارالعان ازىق-تۇلىك ونىمدەرى تۋرالى اقپارات فەيك دەپ تانىپ، شىندىققا سايكەس كەلمەيتىنىن حابارلايدى. سوندىقتان جالعان اقپارات تاراتپاۋلارىڭىزدى سۇرايمىز، رەسمي اقپارات كوزدەرىنەن الىنعان اقپاراتتى پايدالانۋعا شاقىرامىز»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى