قازگيدرومەت استاناداعى اۋا ساپاسىن تەكسەردى

«2023-جىلعى 19- ماۋسىمدا استانا قالاسىنداعى 7№ بەكەتتە (سول جاعالاۋ، تۇركىستان كوشەسى، 2/1) اۋدانىندا شەكتى كونتسەنتراتسيا مولشەرىنىڭ اسىپ كەتۋ بايقالدى. اسىرەسە ازوت وكسيدى بويىنشا (شەكتى كونتسەنتراتسيانىڭ اسىپ كەتۋىنىڭ 9 جاعدايى)، ازوت ديوكسيدى بويىنشا (42 جاعداي) بايقالعان»، - دەپ جازىلعان قازگيدرومەت حابارلاماسىندا.

مەكەمەنىڭ حابارلاۋىنشا، 7№ بەكەتتەن باسقا، 8№ بەكەتتە (كوكتال شاعىناۋدانى) وزون بويىنشا 19 جاعداي، كۇكىرتسۋتەك بويىنشا - 18 جاعداي تىركەلگەن.

«سينوپتيكالىق سيپاتتامالارعا سايكەس، وڭتۇستىك، وڭتۇستىك-باتىس جەلدەرىنىڭ ەكپىنى 16 م/س دەيىن جەتەدى. الدا جاڭبىر جاۋادى دەپ كۇتىلۋدە. كۇننىڭ اياعىندا قاتتى جاڭبىر، نايزاعاي، بۇرشاق، داۋىل بولادى»، - دەپ بولجام جاسادى قازگيدرومەت.

بۇعان دەيىن قورعالجىن تاسى جولى مەن قوسشى قالاسىنا قاراي اينالما جولدىڭ اراسىندا قۋراعان اعاشتىڭ ورتەنىپ جاتقانىن حابارلاعان ەدىك.

سالدارىنان استانا كوشەلەرىن ءتۇتىن باسىپ، دارىگەرلەر كوشەگە شىقپاۋعا شاقىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى