ىشكى ىستەر ءمينيسترى كاسپي بانك قىزمەتكەرىن كەپىلگە العان كۇدىكتىمەن قالاي كەلىسسوز جۇرگىزگەنىن ايتتى
«مەن قازىر ءمان-جايدى ايتا المايمىن. ويتكەنى تەرگەۋ ءجۇرىپ جاتىر. كەزدەسۋى كەزدەستىم ەندى. ءوزىم الدىن الا تەلەفونمەن سويلەستىم. سوسىن كىرىپ، كەپىلدىككە العان ازاماتشانى بوساتۋىن سۇرادىم. ويتكەنى ول اپاسىمەن سويلەستى. سول كەزدە ەندى وندايعا كونبەگەسىن جاڭاعى ارنايى جاساقتاردىڭ جۇمىسى باستالدى»، - دەدى ول.
سونداي-اق، مينيستر ارنايى وپەراتسيا بارىسى تۋرالى مالىمەت مينيسترلىكتىڭ باسپا ءسوز قىزمەتىنەن ەمەس، تەلەگرام-ارنالار ارقىلى تاراۋىنا تۇسىنىكتەمە بەردى.
«ارنايى وپەراتسيا جۇرگىزىلگەندىكتەن ول جەردە ىشكى ىستەر ورگاندارىنىڭ عانا قىزمەتشىلەرى بولعان جوق. ياعني، تەكسەرۋ جۇرگىزىلەدى. ەگەر قاندايدا ءبىر اقپارات جاسىرىن تاراپ كەتكەن بولسا، ءتيىستى تەكسەرۋلەر جۇرەدى»، - دەدى مارات احمەتجانوۆ.
