مەملەكەتتىك ب ا ق قىزمەتكەرلەرىنىڭ جالاقىسى ارتادى

«مەملەكەتتىك ب ا ق قۇرالىندا جۇمىس ىستەيتىن جۋرناليستەردىڭ 2023-جىلى، 2024 جانە 2025-جىلدارى جالاقىسى كوبەيەدى. بيىل 30 پايىزعا، كەلەسى جىلى دا 30 پايىزعا، ال 2025-جىلى 20 پايىزعا ارتپاق. اتالعان ماسەلە بۇگىندە شەشىلدى، ول ءۇشىن قاراجات بار»، - دەدى قانات ىسقاقوۆ ماجىلىستە «ماسس-مەديا» تۋرالى زاڭ جوباسىن تالقىلاۋ بارىسىندا.

سونداي-اق، ۆيتسە-مينيستر وڭىرلىك باسپا ءسوز قۇرالدارىنىڭ بۇگىنگى جاعدايىنا توقتالىپ ءوتتى.

«جاڭا زاڭ جوباسىندا وڭىرلىك ب ا ق ارنالعان گرانت قاراستىرىلعان. ول قايتارىمسىز ءارى قارجى تۇرىندە بەرىلەدى. ماقسات - وڭىرلىك باسپا ءسوز قۇرالدارىن دامىتۋ. سونىمەن قاتار بۇگىندە ۇلتتىق ەكونوميكا مينيسترلىگىمەن بىرگە باق ءۇشىن قوسىلعان قۇن سالىعىن الىپ تاستاۋ جاعىن قاراستىرىپ جاتىرمىز. ياعني ب ا ق قوسىلعان قۇن سالىعىنان بوساتىلادى»، - دەيدى ول.

بۇعان دەيىن وتاندى ب ا ق سالاسىندا باسپا ءسوز كارتاسى ەنگىزىلەتىنى تۋرالى حابارلاعان ەدىك.

ايتا كەتسەك، بيىل ەلىمىزدە جۋرناليستەردىڭ قۇقىعى مەن بوستاندىعى تۋرالى ۇلتتىق بايانداما ازىرلەنبەك.

سونداي-اق، ب ا ق جانە تىلشىلەردى سوتقا بەرۋ مەرزىمى 3 جىلعا دەيىن قىسقارماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى