قازاقستاندىق جۋرناليست گرۋزيادا كىسى قولىنان قازا تاپتى
«قازاقستان ازاماتىنىڭ گرۋزيادا كىسى قولىنان قازا تاپقانى راس. وسى جىلدىڭ 24- مامىرىندا قازاقستاننىڭ تبيليسي قالاسىنداعى ەلشىلىگىنە تەلاۆي قالاسىنىڭ قۇقىق قورعاۋ ورگاندارىنان قازاقستان ازاماتىنىڭ كىسى قولىنان قازا تاپقانى تۋرالى اقپارات ءتۇستى. كۇدىكتى ادام ۇستالدى، تەرگەۋ ءجۇرىپ جاتىر. تەرگەۋ مۇددەسىنە وراي ءولتىرۋ ءمان-جايى مەن كۇدىكتى جايلى مالىمەتتەر جاريالانبايدى»، - دەدى ايبەك سمادياروۆ.
ونىڭ اتاپ وتۋىنشە، قازاقستان ازاماتى گرۋزياعا جەكە ساپارمەن بارعان جانە وقيعانىڭ كاسىبي قىزمەتىنە قاتىسى جوق.
«قايتىس بولعان ازاماتتىڭ دەنەسى وتانىنا جەتكىزىلىپ، 2- ماۋسىمدا جەر قوينىنا بەرىلدى. گرۋزياداعى قازاقستان كونسۋلى جەرگىلىكتى قۇقىق قورعاۋ ورگاندارىمەن ۇنەمى بايلانىستا جانە بۇل ماسەلەنى باقىلاۋىندا ۇستاپ وتىر»، - دەدى رەسمي وكىل.
