القاپ يەلەرىنىڭ ەسىمىن جاريالاۋ تۋرالى: اۋەلى ادىلەت مينيسترلىگىمەن اقىلداسايىن
«جەر كودەكسى دەگەن كونستيتۋتسيادان كەيىن تۇرعان زاڭ ەمەس پە!؟ ول قۇجاتتا جەردى يەلەنگەن جەكە جانە زاڭدى تۇلعالاردىڭ ەسىمى اشىق دەرەككوزدە جاريالانۋى كەرەكتىگى ايقىن جازىلعان. بۇل ماسەلە ءتىپتى ءبىرىنشى كۋرستا وقيتىن كەز كەلگەن زاڭگەرگە دە تۇسىنىكتى. پارلامەنت قابىرعاسىندا وسىنى ايتۋدىڭ ءوزى كۇلكىلى. جەر كودەكسى قولدانىسقا ەنگەنىنە ءۇش جىل بولسا دا، اۋىل شارۋاشىلىعى ماقساتىنداعى جەردى كىمدەر يەلەنىپ وتىرعانى ءالى كۇنگە جاسىرىن. بۇل تۇرىمىزبەن قۇقىقتىق مەملەكەتتى قالاي قۇرامىز؟» - دەدى ءماجىلىس دەپۋتاتى.
اۋىل شارۋاشىلىعى ءمينيسترى ەربول قاراشوكەيەۆتىڭ ايتۋىنشا، قازىر اگروونەركاسىپتەگى جەر تەلىمدەرىنىڭ قاي كومپانياعا تيەسىلى ەكەنى جاسىرىن ەمەس.
ونلاين رەسۋرستا ول تۋرالى مالىمەت بار. ەندى اتالعان كومپانيالاردىڭ ارتىندا كىمدەر تۇرعانىن جاريالاۋ قالىپ وتىر.
«وزدەرىڭىز بىلەسىزدەر، جەر ۋچاسكەلەرى اۋىل شارۋاشىلىعى سالاسىندا قاي كومپانيالاردىڭ يەلىگىندە ەكەنىنىڭ ءبارى ونلايندا انىق كورىنىپ تۇرادى. ءسىز ءارى قاراي سونىڭ يەلەرىن كورسەتۋدى ايتىپ وتىرسىز عوي. ول ماسەلەنى ادىلەت مينيسترلىگىمەن پىسىقتاپ، جازباشا تۇردە جاۋاپ بەرەيىن»، - دەدى مينيستر.
اۆتور:
ەسىمجان ناقتىباي
