شىمكەنتتە اسكەري قىزمەتشى قاشىقتىققا جۇگىرۋ جاتتىعۋىنان كەيىن كوز جۇمدى

وقيعانىڭ بولعانىن ق ر ۇلتتىق ۇلانى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتى راستادى.

«2023 -جىلى 15- ماۋسىمدا شىمكەنت قالاسىنداعى 6506 اسكەري ءبولىمنىڭ جاۋىنگەرلىك دايارلىق جوسپارىنا سايكەس، اسكەري قىزمەتشىلەر ويلى- قىرلى جەرلەردە قاشىقتىققا جۇگىرۋ جاتتىعۋىن وتكىزگەن. شارا اياقتالعان سوڭ اسكەري قىزمەتشى ب. بايجانوۆ ءوزىن ناشار سەزىنگەن، وعان دەرەۋ العاشقى مەديتسينالىق كومەك كورسەتىلدى. ءارى قاراي ول شىمكەنت قالاسىنىڭ ءبىرىنشى قالالىق كلينيكالىق اۋرۋحاناسىنا جەتكىزىلىپ، جانساقتاۋ بولىمىنە جاتقىزىلدى. ەرتەسىنە ساعات 17.15 شاماسىندا اسكەري قىزمەتشى قايتىس بولدى»، - دەپ جازىلعان رەسمي حابارلامادا.

وقيعانىڭ سەبەبى مەن ءمان- جايىن انىقتاۋ ءۇشىن قىزمەتتىك تەرگەۋ ءجۇرىپ جاتىر.

«وڭتۇستىك» وڭىرلىك قولباسشىلىعىنىڭ جانە ق ر ۇلتتىق ۇلانى 6506 اسكەري ءبولىمىنىڭ قولباسشىلىعى بەكجان بايجانوۆتىڭ تۋىستارى مەن جاقىندارىنا كوڭىل ايتادى. ق ر ق ى ج ك 201-بابىنا سايكەس، باسقا اقپارات تەرگەۋ مۇددەسى ءۇشىن جاريالانبايدى»، - دەدى وڭىرلىك قولباسشىلىق.

اۆتور:

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى