ا ق ش- تىڭ مەملەكەتتىك حاتشىسى بەيجىڭگە باردى

بلينكەننىڭ بەيجىڭگە بۇل ساپارى جىل باسىندا بولۋى ءتيىس ەدى. ءبىراق، بارلاۋ شارى تۋرالى شۋ شىعىپ كەزدەسۋ ەندى ءوتتى. ەكى الپاۋىت مەملەكەت ءبىراز قوردالانىپ قالعان ماسەلەنى تالقىلادى.

«ا ق ش مەملەكەتتىك حاتشىسى ەنتوني بلينكەن مەن ق ح ر سىرتقى ىستەر ءمينيسترى شين گاڭ جەكسەنبىدە كەزدەستى. الەمنىڭ ءبىرىنشى جانە ەكىنشى ەكونوميكاسى ءوزارا ساۋدا- ساتتىقتان باستاپ، ايماقتىق قاۋىپسىزدىك، تەحنولوگيا، تايۆان ماسەلەسى سياقتى وزەكتى تاقىرىپتاردى تالقىلادى. قوس تاراپ ءوزارا كەلىسپەيتىن سۇراقتار توڭىرەگىندە ناتيجەلى ديالوگ بولاتىنىنا ءۇمىت ءبىلدىردى. مەملەكەتتىك دەپارتامەنتتىڭ رەسمي وكىلى مەتتيۋ ميللەر بلينكەن ديپلوماتيا ماڭىزدىلىعىنا توقتالىپ، قارالعان ماسەلەلەر بويىنشا اشىق بايلانىستى ساقتاۋدىڭ وزەكتىلىگىن ايتتى، دەيدى.»

كەلىسسوزدەردى جالعاستىرۋ ءۇشىن شين گاڭدى ۆاشينگتون شاقىرعان. ەنتوني بلينكەن قىتاي ءتوراعاسى شي جينپيڭمەن دە كەزدەسۋى مۇمكىن. ا ق ش باسشىسى دا الداعى بىرنەشە ايدا قىتايلىق ارىپتەسىمەن كەزدەسۋى ىقتيمال ەكەنىن ايتتى.

دجو بايدەن، ا ق ش پرەزيدەنتى:

«الداعى ايلاردا مەن شي جينپيڭمەن كەزدەسىپ، ءبىزدىڭ ءوزارا كەلىسپەيتىن سۇراقتار توڭىرەگىندە سويلەسىپ، رەتتەيتىن ماسەلەلەردى قاراستىرامىز دەپ ۇمىتتەنەمىن.»

كامران بوحاري، NEWLINE ساراپتامالىق ينستيتۋتىنىڭ ديرەكتورى:

«ا ق ش پەن قىتاي اراسىندا كەلىسسوزدەر بولادى. بۇل قاراپايىم كەزدەسۋ ەمەس، ماڭىزى بار ۇلكەن اڭگىمە دەپ ويلايمىن. ەكى مەملەكەت تە قوردالانىپ قالعان ءبىراز ماسەلەنى العا قويادى. سوندىقتان ولار قالاي شەشىلەدى، ناتيجەسىن كۇتەمىز».

ەستەرىڭىزدە بولسا، ا ق ش مەملەكەتتىك حاتشىسى ەنتوني بلينكەن بەيجىڭگە اقپاندا بارۋى كەرەك ەدى. الايدا بارلاۋ شارى تۋرالى وقيعادان سوڭ ساپاردى كەيىنگە قالدىرعان. جالپى ەكى دەرجاۆانىڭ پرەزيدەنتى قىركۇيەكتە ءۇندىستاندا وتەتىن ۇلكەن جيىرمالىقتىڭ جيىنىنا قاتىسۋدى جوسپارلاپ وتىر. ال شي جينپيڭ قاراشادا سان-فرانسيسكودا بولاتىن ازيا-تىنىق مۇحيتى ەكونوميكالىق ىنتىماقتاستىعى فورۋمىنا شاقىرتۋ العان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى