كورەيانىڭ ءورت قاۋىپسىزدىگى تاجىريبەسى قازاقستان ماماندارىن قىزىقتىردى

جاقىندا قازاقستاندىق دەپۋتاتتار وسى ەلگە بارىپ تاجىريبەسىمەن تانىستى. كورەيا اۋماعىنىڭ 70 پايىزى تاۋلى اۋماق، سوندىقتان ورمان ءورتىنىڭ باسىم بولىگى قىراتتاردا بولادى. رەسپۋبليكالىق ورمان قىزمەتىنىڭ 48 تىكۇشاقتان تۇراتىن جەكە پاركى بار. ولار قىزىل جالىننىڭ بەتىن قايتارىپ، ءورت سوندىرۋشىلەردى تۇتانۋ ورنىنا جەتكىزەدى.

- 50 مينۋت التىن ۋاقىتىمىز بار. سول ۋاقىتتىڭ ىشىندە ءورتتى ءسوندىرۋ كەرەك. ءبىز ءورتتىڭ 95 پايىزىن وسى ۋاقىتتا سوندىرەمىز.

لي يل، كانۆوندو پروۆينتسياسى ءورت ءسوندىرۋ قىزمەتىنىڭ باسشىسى:

- ءورتتىڭ الدىن الۋ ءۇشىن ماۋسىمدىق نەمەسە كليماتتىق جاعدايلارعا ەرەكشە نازار اۋدارىلادى. ءبىز اۋا رايىن قاداعالاپ وتىرامىز، مىسالى، وڭىردە ىلعالدىلىعى تومەن قاتتى جەل تۇرىپ، توتەنشە جاعداي بولا قالسا، ءورت سوندىرۋشىلەردى الدىن الا جىبەرەمىز. ال ورمانداعى احۋال وندا ورناتىلعان تەپلوۆيزورلار مەن بەينەكامەرالار ارقىلى تاۋلىك بويى باقىلانادى. سونداي- اق، اۋماقتى باقىلاۋعا ارنالعان جانە شاعىن ءورت ءسوندىرۋ دروندارى جۇمىلدىرىلادى.

- بۇل كولىككە ءورت ءسوندىرۋ جانە باقىلاۋ ءۇشىن 2-3 درون ورنالاستىرىلعان. مۇنداي كولىكتەر ءار ءورت ءسوندىرۋ ستانسياسىندا بار. 20-ماۋسىمنان كەيىن كورەيادا ءبىر ايعا جۋىق ۋاقىت بويى جاڭبىر جاۋادى. بۇل كەزەڭدە ءورت بولمايدى. ءبىراق جىلدىڭ كەز كەلگەن ۋاقىتىندا ءورت سوندىرۋشىلەر ورمان ايماعىندا ەرەجەلەردىڭ قاتاڭ ساقتالۋىن قاداعالايدى.

لي يل، كانۆوندو پروۆينسياسى ءورت ءسوندىرۋ قىزمەتىنىڭ باسشىسى:

- تەك كانۆوندو پروۆينتسياسىندا عانا ەمەس، بۇكىل كورەيادا تەمەكى تۇقىلىنىڭ لاقتىرىلماۋىن قاداعالايمىز. ءبىز شارۋالارعا ەگىن جيناۋدان كەيىن قالدىق قوقىستى جاعۋعا تىيىم سالامىز، ءتارتىپ بۇزۋشىلارعا ۇلكەن ايىپپۇل سالىنادى. تۋريستەر دە ورمان القابىنا كىرە بەرىستە وتتىقتى قالدىرىپ كەتۋى كەرەك.

كورەيانىڭ ءورت جانە ورمان قىزمەتتەرى تولىق جابدىقتالعان. ەلدە زاماناۋي قورعانىس كوستيۋمدەرى مەن وتتەگى ماسكالارى شىعارىلادى. شەتەلدىك تەحنيكادان بولەك وتاندىق تىكۇشاقتار مەن دروندار بار. ال ءورت ءسوندىرۋ ماشينالارى 10 جىل جۇمىس ىستەگەننەن كەيىن ەسەپتەن شىعارىلادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى