ول قىزدى قورقىتىپ ۇستاپ تۇردى- مينيستر احمەتجانوۆ بانكتەگى وقيعا جايلى

«مەن ونىمەن (كەپىلگە العان ەر ادام - اۆتور تۇسىندىرمەسى) سويلەستىم. ول مەنىڭ جەكە باسىما قاتىستى دەرەكتەردى تەكسەردى. ول قىزدى قورقىتىپ ۇستاپ تۇردى. قازىر تەرگەۋ ءجۇرىپ جاتىر. مەن قايتالاپ ايتامىن، زارداپ شەككەندەر جوق. كەپىلگە الىنعان ادامدار تەكسەرىلدى، ويتكەنى ءبىز كوزدەن جاس اعىزاتىن گاز قولداندىق. سوندىقتان، مەديتسينالىق تەكسەرۋ ءجۇرۋى ءتيىس. ەشكىم جارالانعان جوق. ويتكەنى، ءبىز شابۋىلداۋشى ارنايى قۇرالداردى قولداندىق»، - دەپ ءمالىم ەتتى مينيستر مارات احمەتجانوۆ جۋرناليستەر ساۋالىنا وراي.

بانك قىزمەتكەرلەرىن كەپىلگە العان كۇدىكتىگە قاتىستى تەرگەۋ امالدارى ءجۇرىپ جاتىر.

«وسى بانكتىڭ 7 قىزمەتكەرى بوساتىلدى. قىلمىسكەر ۇستالدى. قازىر ونىمەن تەرگەۋ امالدارى ءجۇرىپ جاتىر. وقيعا بولعان جەردە تەكسەرۋ ءجۇرىپ جاتىر»، - دەدى مينيستر ب ا ق وكىلدەرىنىڭ ساۋالىنا جاۋاپ بەرە وتىرىپ.

بۇعان دەيىن حابارلاعانىمىزداي، ەلورداداعى Kaspi بانكتىڭ عيماراتىندا قارۋلانعان ەر ادام ۇيىم قىزمەتكەرلەرىن كەپىلگە الدى.

Kaspi بانكتىڭ كەپىلدەگى قىزمەتكەرلەرى بوساتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى