شەتەلدەن اكەلىنگەن كولىكتەردى جالعان قۇجاتپەن زاڭسىز تىركەگەن قىلمىستىق توپتار ۇستالدى

ماسەلەن، اقمولا وبلىسىندا تىركەۋگە زاڭسىز قويىلعان جۇك اۆتوكولىكتەرى انىقتالدى.

وتكەن جىلدىڭ اقپان ايىنان اعىمداعى جىلدىڭ ءساۋىر ايىنا دەيىن قىلمىستىق توپ العاشقى مەملەكەتتىك تىركەۋ الىمىن تولەگەنى تۋرالى جالعان قۇجاتتاردى پايدالانا وتىرىپ، 62 جۇك اۆتوماشيناسىن قازاقستاندىق ەسەپكە قويعان.

ءاربىر جۇك اۆتوماشيناسىن العاشقى مەملەكەتتىك تىركەگەنى ءۇشىن رەسمي تولەم شامامەن 7-8 ميلليون تەڭگە بولۋى ءتيىس ەدى.

الدىن الا دەرەك بويىنشا مەملەكەتكە كەلگەن شىعىن شامامەن 500 ميلليون تەڭگەنى قۇراعان.

الماتى قالاسىندا ۇيىمداسقان قىلمىسقا قارسى كۇرەس قىزمەتكەرلەرى تاعى ءبىر قىلمىستىق توپتى انىقتادى.

كۇدىكتىلەر قازاقستانعا وڭتۇستىك كورەيادان جەتكىزىلگەن جەڭىل اۆتوكولىكتەردى زاڭسىز تىركەگەن.

سونداي- اق جالعان قۇجات بويىنشا تىركەلگەن 250 اۆتوكولىك انىقتالدى، ولار بويىنشا مەملەكەتكە كەلگەن شىعىن - 340 ميلليون تەڭگەدەن استام.

بۇل جاعدايدا قىلمىستىق توپ كولىك قۇرالدارىنا جالعان قۇجات جاساعان، ولار شىعارىلعان جىلىن 2018-2020 -جىلدار دەپ وزگەرتكەن، العاشقى مەملەكەتتىك تىركەۋ ءۇشىن بەلگىلەنگەن سومانى تولەمەگەن.

استانا قالاسىندا قىلمىستىق توپ اۆتوكولىكتەردى اۆتوبولشەكتەر تۇرىندە جەتكىزۋدى ۇيىمداستىرعان جانە ولاردىڭ شاناعىن اۋىستىرۋ تۋرالى جالعان قۇجاتتار ارقىلى قازاقستاندىق ەسەپكە قويعان.

- كۇدىكتىلەر ۇستالىپ، كىنالارىن مويىندادى. سونىمەن قاتار ولاردان زاتتاي دالەلدەمەلەر مەن جالعان قۇجاتتار تاركىلەندى. تەرگەۋ امالدارى جالعاسىپ جاتىر، - دەدى ق ر ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى