ەكۆادوردا جەرلەۋ ءراسىمى كەزىندە ءتىرىلىپ كەتكەن ايەل ءبىر اپتادان سوڭ قايتىس بولدى
ايەل تاعى ءبىر اپتا ءومىر ءسۇردى، وسى ارالىقتا دارىگەرلەر ونىڭ ءومىرىن امان الىپ قالۋعا تىرىستى، دەپ حابارلايدى قازاقپارات ВВС- گە سىلتەمە جاساپ.
العاشىندا دارىگەرلەر 9 -ماۋسىمدا باباحويو قالاسىندا بەللا مونتويانىڭ قايتىس بولعانىن ايتتى. ول جەرلەۋ ۇيىنە جىبەرىلىپ، تابىتقا جاتقىزىلدى.
جەرلەۋ ءراسىمى باستالعاننان كەيىن ارادا شامامەن بەس ساعات وتكەندە ايەلدىڭ تۋىستارى تابىتتان شىعىپ جاتقان دىبىستى ەستىگەن.
تابىتتى اشقاندا ايەل اۋىر تىنىس الىپ جاتقان.
«ءبارىمىز قورقىپ كەتتىك»، - دەيدى باربەرا.
ايەلدىڭ ءتىرى ەكەنى بەلگىلى بولعان سوڭ تۋىستارى جەدەل جاردەم شاقىردى.
وقيعاعا دەيىن مونتويا ينسۋلت كۇدىگىمەن اۋرۋحاناعا جاتقىزىلدى.
«ونىڭ جۇرەگى، تىنىس الۋى توقتاعان، رەانيماتسيالىق ارەكەتتەرگە جاۋاپ بەرمەگەندىكتەن كەزەكشى دارىگەر ونى قايتىس بولدى دەگەن قورىتىندى شىعارعان»، - دەلىنگەن ەكۆادور دەنساۋلىق ساقتاۋ مينيسترلىگىنىڭ مالىمدەمەسىندە.
قايتا تەكسەرۋ كەزىندە ونىڭ جاعدايى تۇراقتالدى، ءبىراق ۇزاققا سوزىلمادى.
رەانيماتسيادا جەتى كۇن جاتقاننان كەيىن جۇما كۇنى يشەميالىق ينسۋلتتان قايتىس بولدى.
ەكۆادور بيلىگى وقيعانى ەگجەي- تەگجەيلى تەكسەرىپ، اتالعان اۋرۋحانادا ءولىم تۋرالى كۋالىك بەرۋ پروتسەدۋراسىن زەرتتەۋگە كىرىستى.
ويتكەنى بەللا مونتويا رەسمي تۇردە ءولىم تۋرالى حابارلانعاننان كەيىن «ءتىرىلىپ كەتكەن» جالعىز ايەل ەمەس.
اقپان ايىندا نيۋ- يورك شتاتىنداعى جەرلەۋ ۇيىنە جەتكىزىلگەن 82 جاستاعى ايەلدىڭ ءالى دە تىنىس الىپ جاتقانى بەلگىلى بولعان ەدى. ال ونىڭ ولگەنى سودان ءۇش ساعات بۇرىن راستالعان.
