شىعىس قازاقستاندا تاعى ءبىر ورمان ورتەنىپ جاتىر

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 17- ماۋسىمدا كاتونقاراعاي اۋدانىنداعى «كاتونقاراعاي ۇلتتىق تابيعي پاركى» ر م م اقسۋ فيليالىنىڭ اۋماعىندا (ۋست-يازوۆسكوە ورمانشىلىعى) جەتۋى قيىن تاۋلى جەردە ءورت شىققان. قىزىل جالىن ءشوپ پەن بۇتالاردى شارپىپ جاتىر.

الدىن الا دەرەك بويىنشا ءتىلسىز جاۋ تاراعان اۋماق - 15 گەكتار. ءورتتى سوندىرۋگە «قازاۆياورماندى قورعاۋ» قىزمەتكەرلەرى، ورمانشىلار، جەرگىلىكتى اتقارۋشى ورگاندار، ت ج د ءورت سوندىرۋشىلەرى جۇمىلدىرىلدى.

«بارلىعى 111 ادام، 3 تەحنيكا جانە ش ق و اكىمى اپپاراتىنىڭ اۋە بولىمشەسىنىڭ 2 تىكۇشاعى جۇمىس ىستەۋدە. جالىنمەن كۇرەسكە جۇمىلدىرىلعان ادامدار سول جەرگە تىكۇشاقپەن جەتكىزىلدى، ويتكەنى جەر بەدەرى اۆتوتەحنيكامەن جۇرۋگە مۇمكىندىك بەرمەيدى. ەلدى مەكەندەرگە قاۋىپ ءتونىپ تۇرعان جوق»، - دەلىنگەن اقپاراتتا.

ەسكە سالساق، كەشە ريددەردەگى قورىقتا ءورت شىققان بولاتىن. بۇگىن ساعات 06.45 تە ءتىلسىز جاۋدىڭ بەتى قايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى