ەلوردادا قويان- قولتىق ۇرىستان الەم چەمپيوناتى ءوتىپ جاتىر

جارىس بارىسىندا باق وكىلدەرىنىڭ قاتىسۋىمەن باسپا ءسوز ماسليحاتى ءوتتى. وندا العاش بولىپ ءسوز العان حالىقارالىق قويان- قولتىق ۇرىس فەدەراتسياسىنىڭ پرەزيدەنتى سەرگەي استاحوۆ سايىستى جوعارى دەڭگەيدە ۇيىمداستىرۋعا اتسالىسقان بۇكىلقازاقستاندىق قويان-قولتىق ۇرىس اسسوتسياتسياسىنىڭ پرەزيدەنتى ساكەن يسابەكوۆكە العىسىن ءبىلدىردى.

«ءبىز چەمپيوناتتاردى 2011-جىلدان بەرى وتكىزىپ كەلەمىز. بۇگىن استانادا ءوتىپ جاتقان سايىس - 7-الەم چەمپيوناتى. العاشقى بەسەۋى رەسەيدە، التىنشىسى تاشكەنتتە بولدى. نەگىزگى ۇيىمداستىرۋشى - بۇكىلقازاقستاندىق قويان-قولتىق ۇرىس اسسوتسياتسياسى. ءبىز، ياعني حالىقارالىق قويان-قولتىق ۇرىس فەدەراتسياسى وسىنداي جوعارى دەڭگەيدە جارىس ۇيىمداستىرعانى ءۇشىن العىس بىلدىرەمىز»، - دەدى سەرگەي استاحوۆ.

ونىڭ ايتۋىنشا، الەم چەمپيوناتىنا 32 ەلدەن كەلگەن 300 دەن استام سپورتشى قاتىسىپ جاتىر.

«سايىسقا 161 ەر جانە 151 ايەل سپورتشى قاتىسىپ جاتىر. كەشە ء«وزىن-ءوزى» قورعاۋ بويىنشا كەزدەسۋلەر ءوتتى. بارلىعى 18 مەدال ساراپقا سالىندى»، - دەپ توقتالدى سەرگەي استاحوۆ.

بۇل چەمپيوناتقا قازاقستان ەكى قۇراما قوسىپ وتىر. مامانداردىڭ ايتۋىنشا، ەل سپورتشىلارىنىڭ دايىندىعى جوعارى دەڭگەيدە.

ايتا كەتەيىك، جالپى قازاقستاندىقتار اتالعان سپورت تۇرىنەن وتكەن الەم چەمپيوناتتارىندا كوماندالىق ەسەپتە ۇزدىكتەر قاتارىنان كورىنىپ ءجۇر.

ەلوردادا ءوتىپ جاتقان جارىسقا 9 الەم چەمپيونى قاتىسىپ جاتىر. ولار «جەكەپە-جەك» جانە «ءوزىن-ءوزى قورعاۋ» تارتىپتەرى بويىنشا ءوزارا سىنعا تۇسۋدە.

بۇگىن، ج. ۇشكەمپىروۆ اتىنداعى جەكپە-جەك سارايىندا فينالدىق كەزدەسۋلەر وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى