ءبىزدى ۇلكەن سىناق پەن قاۋىپ كۇتىپ تۇر - ايدوس سارىم
«مەنىڭ ويىمشا، ءبىزدى الداعى ۋاقىتتا 5,6 ۇلكەن سىناق پەن قاۋىپ كۇتىپ تۇر. ونىڭ ءبىرى - ەلدەگى ينفراقۇرىلىمدىق داعدارىس. 60,70 جىل بويى جۇمىس ىستەگەن ينفراقۇرىلىم جۇيەلەرى بىرىنەن كەيىن ءبىرى جارىلىپ جاتىر. بۇل ۇلكەن تەحنولوگيانى، ۇلكەن قاراجاتتى، سوعان قاجەتتى قوعامدىق پىكىردى قاجەت ەتەدى. حالىقپەن ايتىسا الاتىن، حالىققا ءوزىنىڭ ءۋاجىن كەز كەلگەن ۋاقىتتا دالەلدەي الاتىن شەندىلەر قاجەت»، - دەدى ول.
سونداي-اق ايدوس سارىم ەكىنشى قاۋىپ ەلدەگى ەكولوگيالىق ماسەلە ەكەندىگىنە توقتالدى. ال، مامان تاپشىلىعى مەن عىلىمي زەرتتەۋ جۇمىستارىن جۇرگىزەتىن ورتالىقتاردىڭ جوقتىعىنان ەلدىڭ الداعى ومىرىنە بولجام جاساۋ قيىندىق تۋدىرىپ وتىر.
«ەكولوگيالىق جاعداي بىرىنەن كەيىن ءبىرى بولىپ جاتىر. قازاقستاندا سۋ ماسەلەسى بار. قازاق تابيعاتقا تىرناق باتىرماعان حالىق. سول سەبەپتى ارالدى دا ساقتاپ قالدى. «10 جىلدان كەيىن نە بولادى؟» دەگەن سۇراققا جاۋاپ بەرەتىن ادام جوق. ەلىمىزدە كونە جازبالاردى وقيتىن عالىمداردىڭ سانى جەتپەي جاتىر. مۇرا بار. مۇرانى دامىتاتىن، زەرتتەيتىن، وقيتىن، زەردەلەيتىن ماماندار جوق» - دەدى ول.
حالىق قالاۋلىسى بۇل ماسەلەلەردى شەشۋ ءۇشىن گۋمانيتارلىق سالاعا قارجى ءبولىپ، زەرتتەۋ جۇمىستارىن جۇرگىزۋ كەرەگىن ايتتى.
«جالپى ۇلتتىق قۇرىلتايدا كوپتەگەن ۇسىنىس، ناقتى وي ايتىلىپ جاتىر. وسىنىڭ بارلىعىن توپشىلايتىن، شىن مانىندە ۇلتقا قاجەتتى، ۇلتتىڭ بولاشاعىنا ءقاۋىپ توندىرەتىن نارسەلەردى تالقىلاۋعا نەگىزدەلسەك، الدەقايدا ءتيىمدى بولار ەدى دەپ ويلايمىن. قاراپايىم ەكونوميكامىز نە بولادى؟ عىلىمي ەكسپەرتيزا، عىلىمي كومپەتەنتسيا دەگەن بىزدە مۇلدەم جوق. عالىمدار شىن ىزدەنۋى كەرەك. شىندىقتى ايتۋ، شىنايى ساياسات جۇرگىزۋ دەگەن ماسەلە كوپ ايتىلىپ جاتىر»، - دەدى ايدوس سارىم.
