كولىك سالىعى بويىنشا قارىزى بار ازاماتتارعا ەل اۋماعىنان شىعۋعا تىيىم سالىنۋى مۇمكىن
جالپى، رەسپۋبليكا بويىنشا 496,7 مىڭ جەكە تۇلعانىڭ كولىك قۇرالدارى سالىعى بويىنشا بەرەشەگى - 22,4 ميلليارد تەڭگە، ونىڭ ىشىندە نەگىزگى قارىز - 17,5 ميلليارد تەڭگە، ءوسىمپۇل - 4,9 ميلليارد تەڭگە.
وڭىرلەر بويىنشا الىپ قاراعاندا قارىزى ەڭ كوپ سالىق تولەۋشىلەر:
الماتى وبلىسىندا 57,7 مىڭ ادام - 3,0 ميلليارد تەڭگە
الماتى قالاسىندا 53,6 مىڭ ادام - 4,9 ميلليارد تەڭگە
تۇركىستان وبلىسىندا 53,6 مىڭ ادام - 1,2 ميلليارد تەڭگە
شىمكەنت قالاسىندا 39,9 مىڭ ادام - 1,5 ميلليارد تەڭگە
استانا قالاسىندا 37,0 مىڭ ادام - 2,5 ميلليارد تەڭگە.
2022-جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2023-جىلعى 1- ساۋىردە اياقتالعان بولاتىن.
2023-جىلعى 19- مامىردان باستاپ سالىق سوماسىن ۋاقتىلى تولەمەگەن تۇلعالارعا 1 ا ە ك- تەن جوعارى بەرەشەك سومالارى بويىنشا جەكە تۇلعانىڭ بەرەشەگىن ءوندىرىپ الۋ تۋرالى سالىق بۇيرىقتارىن جولداۋ باستالدى.
بەرەشەك تولەنبەگەن جاعدايدا سالىق بۇيرىعى تابىس ەتىلگەن كۇننەن كەيىن 5 جۇمىس كۇنى وتكەن سوڭ، جەكە سوت ورىنداۋشىلارىنىڭ وڭىرلىك پالاتاسىنا ماجبۇرلەپ ورىنداتۋعا جىبەرىلەدى. جەكە سوت ورىنداۋشىلارى «اتقارۋشىلىق ىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» قازاقستان رەسپۋبليكاسىنىڭ زاڭىنا سايكەس بانك شوتتارى مەن مۇلكىنە تىيىم سالۋ تۇرىندە ماجبۇرلەپ ءوندىرىپ الۋ شارالارىن قولدانۋعا قۇقىعى بار. ونىڭ ىشىندە 40 ا ە ك- تەن اساتىن قارىز بولسا، ازاماتقا ەل اۋماعىنان شىعۋعا تىيىم سالىنۋى مۇمكىن.
بۇدان باسقا، مەملەكەتتىك كىرىستەر ورگاندارى ۋاكىلەتتى ورگاندارمەن بىرلەسىپ (پوليتسيا دەپارتامەنتى مەن جەكە سوت ورىنداۋشىلارىنىڭ وڭىرلىك پالاتاسى) جىل باسىنان باستاپ كولىك قۇرالدارى سالىعى بويىنشا بەرەشەگى بار جەكە تۇلعالارعا قاتىستى كۇن سايىن رەيدتىك ءىس-شارالار وتكىزۋدە. 5 ايدا 10152 رەيد جۇرگىزىلىپ، 413 اۆتوكولىك قۇرالى ايىپپۇل تۇراعىنا قويىلدى. ناتيجەسىندە 963,7 ميلليون تەڭگە مەملەكەتتىك بيۋجەتكە ءتۇستى.
ال، ەل اۋماعىنان شىعۋعا تىيىم سالۋ تۋرالى اقپاراتتى وسى سىلتەمە ارقىلى بىلۋگە بولادى.
سالىق بويىنشا بەرەشەكتىڭ بارى نەمەسە جوق ەكەندىگى تۋرالى مالىمەتتەردى e-Salyq Azamat موبيلدى قوسىمشاسىنان بىلۋگە بولادى. ەلەكتروندى سەرۆيستەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→ج س ن- دى ەنگىزۋ.
