ەلوردادا كوپبالالى انالارعا وردەندەر تابىستالدى

ەل پرەزيدەنتىنىڭ جارلىعىمەن جاڭا اۋداندا العاش رەت كوپبالالى 12 ايەل مەملەكەتتىك ماراپاتقا يە بولدى. ولاردىڭ ءبىرى 7 بالانى تاربيەلەگەنى ءۇشىن «التىن القا» الدى، قالعان انالار 6 بالانى تاربيەلەگەنى ءۇشىن «كۇمىس القاعا» قول جەتكىزدى.

نۇرا اۋدانىنىڭ اكىمى ءجۇسىپ جۇماعۇلوۆ انالاردى وردەندەرىمەن قۇتتىقتادى.

بۇگىن تابىستاپ جاتقان مەدالدار - سىزدەرگە العىسىمىزدى ءبىلدىرۋدىڭ ءبىر مۇمكىندىگى. ءبىزدىڭ ورتاق بولاشاعىمىز سىزدەر كۇنبە-كۇن بەرىپ جاتقان تاربيەگە بايلانىستى. سىزدەرگە العىسىمدى بىلدىرەمىن! - دەپ اتاپ ءوتتى ول ءوز سوزىندە.

ايتا كەتەيىك، قازاقستاندا «التىن القا» جانە «كۇمىس القا» مەملەكەتتىك ناگرادالارى 1996-جىلدان باستاپ بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى