ديحان قامزابەك ۇلى ۇلتتىق قۇرىلتاي تۋرالى: حالىقتىڭ سۇرانىمىنا ساي قىزمەت ەتۋ كەرەك
الاش تانۋشى، فيلولوگيا عىلىمدارىنىڭ دوكتورى، پروفەسسور ديقان قامزابەك ۇلى تۇركىستان توپىراعىندا وتكەلى وتىرعان قۇرىلتايدىڭ ماڭىزى جوعارى ەكەنىن جەتكىزدى. اسىرەسە، حالىقتىڭ سۇرانىسىنا ساي قىزمەت ەتۋ، ابىرويلى ىسكە باستايتىنىن ايتتى.
«قۇرىلتاي پرەزيدەنت جانىنداعى كەڭەسشى ورگان بولعاندىقتان ماسەلەنى كوتەرۋ جۇمىستىڭ ءبىر جاعى عانا. وپ-وڭاي شەشىلەتىن ماسەلەنى قيىنداتپاۋىمىز قاجەت نەمەسە قيىن شەشىلەتىن ماسەلەنى كەزەڭ-كەزەڭىمەن شەشۋىمىز كەرەك. بىزدە كوبىنەسە ماسەلە ايتۋ، ءبىر-بىرىمىزگە مۇڭ شاعۋمەن جيىندار تارقاپ جاتادى. بۇگىن دە تاجىريبەلى ازاماتتار جينالىپ وتىر. اتقارۋشى، زاڭ شىعارۋشى بيلىككە ماسەلەنى شەشۋ تەتىگىن كورسەتە ءبىلۋ كەرەك. سەكتسيا وتىرىسىندا وسى تاراپتان ءبىراز ويلار ايتىلدى»، - دەدى ول.
سونداي-اق، پروفەسسور قيىن جىلداردا بيلىك پەن قوعام اراسىندا وپپوزيتسيالىق، ءبىر-بىرىنە سەنبەۋشىلىك دەگەن ۇعىمدار قالىپتاسقانىن جەتكىزدى.
«حالىقتا سولاي ويلادى. ال شىن مانىندە قوعام ءوزىنىڭ سەنىمدى وكىلدەرىن بيلىككە جىبەرۋ كەرەك. سولارعا سەنىم ءبىلدىرىپ، ماسەلەلەردى شەشۋ تەتىكتەرىن سولار ارقىلى جۇزەگە اسىرۋ قاجەت. وسى جاعدايدا قوعامعا تۇسىنىكتى تىلمەن «جاۋاپكەرشىلىك ءبارىمىزدىڭ موينىمىزدا» دەگەن ۇعىمدى ءسىڭدىرۋىمىز كەرەك. جاستاردى وسى باعىتتا تاربيەلەۋىمىز قاجەت. سونداي- اق، ءاربىر ىستە حالىقتىڭ سۇرانىمىن ەسكەرۋگە ءتيىسپىز. حالىقتىڭ سۇرانىمى - مەملەكەتشىلدىك، قوعامنىڭ شىنايىلىعى، تابيعيلىق. سونى ايقىنداپ، شەشۋ جولىندا قىزمەت ەتسەك، حالىقتىڭ الدىندا ابىرويىمىز دا بيىك، ماڭدايىمىز دا اشىق بولادى»، - دەدى ديقان قامزابەك ۇلى.
