اتىراۋ قالاسى ەكىگە ءبولىنۋى مۇمكىن
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا جۋرناليستەر اكىمنەن: «اتىراۋ قالاسىنىڭ حالقى قازىرگى ۋاقىتتا 400 مىڭنان اسىپ كەتتى. كوپشىلىك قالانى ەكى اۋدانعا ءبولۋ قاجەتتىگى تۋىنداپ وتىر دەيدى. اكىمدىك مۇنداي مۇمكىندىكتى قاراستىرىپ وتىر ما؟» - دەپ سۇراعان ەدى.
اكىم دە بۇل ماسەلەنىڭ قاراستىرىلىپ جاتقاندىعىن اتاپ ءوتتى.
«بىزدە ۇكىمەت قاۋلىسىمەن بەكىتىلگەن اتىراۋ قالاسىنىڭ دامۋ جوسپارى بار. جوسپارعا سايكەس، حالىق سانى وسكەن كەزدە اكىمشىلىك- اۋماقتىق قۇرىلىم ايقىندالۋى مۇمكىن. مىنە، ءبىز وسىنى قاراستىرىپ جاتىرمىز. بىزدە جايىق وزەنى بار. ول قالانى ەكى بولىككە ءبولىپ جاتىر. وسىعان بايلانىستى قالانى ەكى بولىككە بولۋگە قاتىستى كوزقاراسىمىز بار»، - دەپ جاۋاپ بەردى وبلىس اكىمى.
سونىمەن قاتار، ول قالانى ەكىگە ءبولۋ ماسەلەسىندە حالىقتىڭ پىكىرى ەسكەرىلەتىندىگىن اتاپ ءوتتى.
«قالانى بولگەن كەزدە تۇرعىندارعا قولايسىزدىق جاساماۋىمىز كەرەك. سوندىقتان، شەكاراعا قاتىستى ناقتى شەشىمىز بولعاندا بۇل ماسەلەنى مىندەتتى تۇردە تالقىلاۋعا شىعارامىز»، - دەدى سەرىك شاپكەنوۆ.
