ۇكىمەت باسشىسى ش ق و- نىڭ جاڭا تاعايىندالعان اكىمىنىڭ الدىندا قانداي مىندەتتەر تۇرعانىن اتادى
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
ماسەلەن، جالپى وڭىرلىك ءونىم كولەمى 1,7 ەسە، جان باسىنا شاققانداعى ج ءى ءو 3,3 ەسە ءوستى.
«وبلىستا اگروونەركاسىپتىك كەشەندى دامىتۋ، اۋىز سۋمەن قامتاماسىز ەتۋ، تۋريزمدى دامىتۋ جوبالارى ءساتتى ىسكە اسىرىلدى. ونداعان الەۋمەتتىك نىساندار - مەكتەپتەر، سپورت كەشەندەرى، اۋرۋحانالار، سونىڭ ىشىندە انا مەن بالا، گەماتولوگيا، ۇستەل تەننيسى ورتالىقتارى جانە باسقا دا كوپتەگەن نىساندار سالىندى»، - دەپ اتاپ ءوتتى ۇكىمەت باسشىسى.
سونىمەن قاتار ول ازاماتتاردىڭ ءال- اۋقاتى مەن ءومىر ءسۇرۋ ساپاسىن ارتتىرۋ، ينفراقۇرىلىمدى جاڭعىرتۋ، وڭىرلىك ەكونوميكانى دامىتۋ بويىنشا جۇمىستى جالعاستىرۋ ماڭىزدى ەكەنىن ايتتى.
مىسالى، جاڭا ۇلتتىق جوبالار اياسىندا وبلىستا 4,2 مىڭ وقۋشىعا ارنالعان 10 جايلى مەكتەپ جانە 36 العاشقى مەديتسينالىق- سانيتارلىق كومەك مەكەمەسى سالىنادى، سونداي- اق ءبىر اۋداندىق اۋرۋحانا جاڭعىرتىلادى.
سونىمەن قاتار اۋىلدىق اۋماقتاردى دامىتۋ تۇجىرىمداماسى شەڭبەرىندە اگرارلىق سەكتوردى، اۋىلدىق ينفراقۇرىلىمدى جانە كاسىپكەرلىكتى نىعايتۋ، سونداي- اق شەكارا ماڭىنداعى اۋدانداردا ءومىر ءسۇرۋ دەڭگەيىن جاقسارتۋ جونىندەگى شارالار ىسكە اسىرىلاتىن بولادى.
بۇدان باسقا اكىمدىكتىڭ نەگىزگى مىندەتتەرىنىڭ قاتارىندا تۇرعىنداردى اۋىز سۋمەن جانە ەلەكترمەن ۇزدىكسىز قامتاماسىز ەتۋ، الەۋمەتتىك ينفراقۇرىلىم نىساندارىن جاڭعىرتۋ، سونداي - اق جەرگىلىكتى جولداردىڭ ساپاسىن ارتتىرۋ بار.
سونىمەن قاتار پرەمەر- مينيستر جىلۋمەن جابدىقتاۋ ماسەلەلەرىن شەشۋ تاقىرىبىن قوزعادى.
«وتكەن قىستا ريددەر ج ە و- دا قازاندىق اگرەگاتتارىندا 81 اۆاريالىق جاعداي تىركەلدى. قالا تۇرعىندارىنا قارا سۋىق تۇسىسىمەن دۇرىس جىلۋ بەرىلگەن جوق. بۇل پروبلەمالاردى جاڭا جىلىتۋ ماۋسىمى باستالعانعا دەيىن شەشۋ كەرەك. وسىعان بايلانىستى وبلىس اكىمدىگىنىڭ الدىندا ريددەر ج ە و- نى كۇردەلى جوندەۋدى جانە الداعى جىلىتۋ ماۋسىمىنىڭ تۇراقتى ءوتۋىن قامتاماسىز ەتۋ مىندەتى تۇر»، - دەدى ءاليحان سمايىلوۆ.
ونىڭ ايتۋىنشا، ايماقتاعى ەكولوگيالىق احۋال دا ۇلكەن الاڭداۋشىلىق تۋعىزادى. اتاپ ايتقاندا، وسكەمەن بۇگىندە ەلىمىزدىڭ ەكولوگيالىق جاعىنان ەڭ لاستانعان قالالارىنىڭ قاتارىنا كىرەدى. سوندىقتان زياندى قالدىقتاردى ازايتۋ جانە تابيعاتتى قورعاۋ ءىس- شارالارىنا ينۆەستيتسيالاردى ۇلعايتۋ ءۇشىن ونەركاسىپتىك وبەكتىلەردى جاڭعىرتۋ قاجەت.
«اباي وبلىسىنداعى سوڭعى قايعىلى وقيعالارعا بايلانىستى ءورت قاۋىپسىزدىگىن قامتاماسىز ەتۋگە ەرەكشە نازار اۋدارۋ كەرەك. ش ق و- دا 3 ميلليون گەكتارعا جۋىق مەملەكەتتىك ورمان قورى بار، سوندىقتان بۇل ماسەلەنىڭ ماڭىزى زور»، - دەپ اتاپ ءوتتى ۇكىمەت باسشىسى.
