جامبىل وبلىسىنىڭ تۇرعىنى ۇلىتاۋ وبلىسىندا زاڭسىز التىن ءوندىرۋ جۇمىستارىن ۇيىمداستىرعان

وقيعا ورنىنان 23 ادام ۇستالىپ، ونىڭ ىشىندە جامبىل وبلىسىنىڭ 29 جاستاعى تۇرعىنى جەراستى «كاسىپورنىن» ۇيىمداستىرعانى ەكەنى بەلگىلى بولدى. كۇدىكتىلەر قۇرامىندا التىن بار كەندى اشىق يگەرۋدەن العان، سودان كەيىن ونى ۇساقتاپ، جۋعان. وقيعا ورنىنان پوليتسەيلەر تارازى، ۇساتقىش ستانوكتى، قۇرامىندا التىن بار 2 توننادان استام كەندى، شامامەن 70 گرام التىندى تاركىلەدى.

سونداي- اق 7 ارنايى تەحنيكا - جۇك كولىكتەرى، ساموسۆالدار، ەكسكاۆاتور الىندى. سونىمەن قاتار پاترونمەن اتۋ ءۇشىن قايتا جاسالعان تاپانشا تاركىلەندى. ق ر ق ك- ءنىڭ 295-1-بابى (ارحەولوگيالىق جۇمىستاردى زاڭسىز جۇرگىزۋ) ، ق ر ق ك- ءنىڭ 287-بابى (قارۋدى، وق- دارىلەردى، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) جانە ق ر ق ك- ءنىڭ 288-بابى (سالىق سالىناتىن كىرىستى ازايتۋ) بويىنشا سوتقا دەيىنگى تەرگەۋ باستالدى. تەرگەۋ ارەكەتتەرى جۇرگىزىلۋدە، ولاردىڭ ناتيجەلەرى بويىنشا پروتسەسسۋالدىق شەشىم قابىلدانادى.

«قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس سوتقا دەيىنگى تەرگەپ- تەكسەرۋدىڭ دەرەكتەرى جاريا ەتۋگە جاتپايدى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى