ءىرى قارا مەن ۇساق مالدى ەكسپورتتاۋعا كۆوتا ەنگىزىلەدى

«قازاقستان اۋماعىنان ءۇشىنشى ەلدەر مەن ەۋرازيالىق ەكونوميكالىق وداق ەلدەرىنە 60000 باس ءتىرى ءىرى قارا مالدى جانە 120000 باس ءتىرى قوي مەن ەشكىنى اكەتۋگە 6 اي مەرزىمگە كۆوتا ەنگىزىلسىن»، - دەلىنگەن ۆەدومستۆو باسشىسى قول قويعان بۇيرىقتا.

بەلگىلەنگەن ساندىق شەكتەۋدەن اسىپ كەتكەن جاعدايدا، جانۋارلار كارانتينگە قويىلادى جانە قۇزىرلى ورگان ولارعا ۆەتەريناريالىق سەرتيفيكات بەرۋدى بۇعاتتايدى.

قۇجاتقا سايكەس، بۇقالاردى كارانتينگە قويۋ ءۇشىن ليميت 60 مىڭ باس. ونىڭ ىشىندە:

- بورداقىلاۋ الاڭدارى ءۇشىن - 30000 باس؛

- تاۋار وندىرۋشىلەر ءۇشىن - 30000 باس.

ال ەركەك توقتىلاردى كارانتينگە قويۋ ءۇشىن ليميت 120 مىڭ باس. ونىڭ ىشىندە:

- بورداقىلاۋ الاڭدارى ءۇشىن - 30000 باس؛

- تاۋار وندىرۋشىلەر ءۇشىن - 90000 باس.

«قازاقستان اۋماعىنان بۇقالاردى اكەتۋگە كۆوتا الۋ ءۇشىن ءبىر بورداقىلاۋ الاڭىنا ارنالعان ءليميتتىڭ جيىنتىق مولشەرى 500 باستان اسپايدى. ال تاۋار ءوندىرۋشى ءۇشىن 200 باستان كوپ بولماۋى ءتيىس. ەركەك توقتىلاردى اكەتۋگە كۆوتا الۋعا ءۇشىن ءبىر بورداقىلاۋ الاڭىنا ارنالعان ءليميتتىڭ جالپى كولەمى – 1000، ءبىر تاۋار ءوندىرۋشى ءۇشىن 500 باستان اسپاۋى قاجەت»، - دەپ جازىلعان قۇجاتتا.

بۇيرىق 23-ماۋسىمنان باستاپ كۇشىنە ەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى