قازاقستاندا سۋدى ءتيىمدى پايدالانۋ ماسەلەسى تالقىلاندى

ۆيتسە- مينيستر قازاقستاننىڭ پاريج كەلىسىمىنىڭ ماقساتتارىنا قول جەتكىزۋدەگى بەلسەندى جانە جۇيەلى ساياساتى ق ر مەن حالىقارالىق قوعامداستىق اراسىنداعى ىنتىماقتاستىقتى دامىتۋعا ىقپال ەتەتىنىن ايتتى.

«قازاقستان الەمدەگى ەڭ ۇلكەن توعىزىنشى ەل، دۇنيەجۇزىلىك مۇحيتتان ەڭ الىس جانە تەڭىزگە شىعا المايتىن ەل، اۋماقتىڭ 2/3 بولىگى قۇرعاق ايماقتار. ولاردىڭ تەك %2,8 سۋمەن جابىلعان، ال تەمپەراتۋرا ءار 10 جىل سايىن 0,28 گرادۋسقا كوتەرىلەدى. ءبىز قازىردىڭ وزىندە كليماتتىڭ وزگەرۋ سالدارىن كورىپ، بايقاۋدامىز. بۇل سۋ رەسۋرستارى پروبلەماسىنا الىپ كەلەدى»، - دەدى ەكولوگيا جانە تابيعي رەسۋرستار ۆيتسە- ءمينيسترى عاليدوللا ازيدۋللين.

ترانسشەكارالىق وزەندەر بويىنشا قازاقستان اعىس جاعىنان تومەن ورنالاسقان. سۋ رەسۋرستارىنىڭ %40 استامى بىزگە كورشى ەلدەردەن كەلەدى. شىعىستا، وڭتۇستىكتە، سولتۇستىك- باتىستا ءبىز كورشى مەملەكەتتەرگە تاۋەلدىمىز. بۇل پروبلەما جاھاندىق جىلىنۋعا بايلانىستى وسە بەرەدى.

قازاقستاننىڭ دۇنيەجۇزىلىك بانكتىڭ سۋ رەسۋرستارى جونىندەگى جۇمىس توبىنا قوسىلۋى ەلىمىزگە ەكونوميكانىڭ بارلىق سالاسىندا سۋدى ءتيىمدى جانە ۇقىپتى پايدالانۋ ماسەلەلەرىندە الەمنىڭ جەتەكشى ەلدەرىنىڭ وزىق تاجىريبەسىن پايدالانۋعا مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى