ماۋلەن اشىمبايەۆ: مۇنداي الاپات ءورت ەلىمىزدە ەشقاشان قايتالانباسىن

«اباي وبلىسىندا ءبارىمىزدىڭ قابىرعامىزدى قايىستىرعان قيىن جاعداي بولعانىن بىلەسىزدەر. وكىنىشكە قاراي، الاپات ءورتتىڭ سالدارىنان 15 ورمانشى قازا تاپتى. سوعان بايلانىستى وسى اپتانى جالپى ۇلتتىق ازا تۇتۋمەن باستادىق. مەملەكەت باسشىسى قاسىم- جومارت توقايەۆ وڭىرگە ارنايى باردى. قايتىس بولعانداردىڭ وتباسىلارىنا كومەك كورسەتۋ جونىندە ءتيىستى ورگاندارعا ناقتى تاپسىرمالار بەردى. جالپى، ءورت ءسوندىرۋ جۇمىستارى جانە وسى باعىتتاعى باسقا شارالار پرەزيدەنتتىڭ تىكەلەي باقىلاۋىندا. قازا تاپقانداردىڭ وتباسىلارى مەن جاقىندارىنا سەنات اتىنان تاعى دا كوڭىل ايتامىز. مارقۇمداردىڭ يماندارى سالامات بولسىن! ەندى مۇنداي توتەنشە وقيعالار ەلىمىزدە ەشقاشان قايتالانباسىن»، - دەدى م. اشىمبايەۆ.

ەسكە سالايىق، 8-ماۋسىم كۇنى تۇتانعان «سەمەي» ورمانى رەزەرۆاتىنداعى ورتپەن كۇرەسكە جۇمىلدىرىلعان 14 ورمانشى قازا بولدى.

پرەزيدەنت قاسىم- جومارت توقايەۆ جۇمىس ساپارىمەن اباي وبلىسىنا باردى.

12-ماۋسىم ەلىمىزدە ازا تۇتۋ كۇنى بولىپ جاريالاندى.

13-ماۋسىمدا اباي وبلىسىنىڭ پوليتسەيلەرى 10-ماۋسىمدا جوعالىپ كەتكەن بەسقاراعاي اۋدانى دولون اۋىلىنىڭ تۇرعىنى، تراكتورشى سەرگەي نيكولايەۆيچ ارحيپوۆتىڭ ءمايىتىن تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى