ورتپەن كۇرەسۋگە دايىن ەمەس ازاماتتاردى وتقا كىم ايداپ سالعانىن تەكسەرۋ قاجەت - ەرلان قوشانوۆ
«وكىنىشكە قاراي، وسىنداي جاعدايلار بولىپ تۇرادى. اسىرەسە وسى ورمان ءورتى سالاسىندا بيىل وتە ۇلكەن ءبىر جاعداي بولدى دەپ ايتا الامىز. وكىنىشكە قاراي، كوپتەگەن ازاماتىمىزدان، ارىستاردان ايىرىلىپ قالدىق. وسى مۇمكىندىكتى پايدالانىپ تاعى دا ءماجىلىس دەپۋتاتتارى اتىنان قايتىس بولعان ازاماتتاردىڭ وتباسىنا، جاقىندارىنا بىرگە قايعىرىپ، كوڭىل ايتامىن. ءورت، سۋ - ءتىلسىز جاۋ دەيدى. اپات ايتىپ كەلمەيدى عوي. ءبىراق سول توسىننان بولعان جاعدايعا، اپاتتارعا توسقاۋىل قويۋ دا وڭاي ەمەس. ءبىز ونىڭ قاي كۇنى، قاي جەردەن كەلىپ قالاتىنىن دا بىلمەيمىز. مەملەكەتىمىز ۇلكەن، اۋماعى ۇلكەن، ءوزىڭىز بىلەسىز. ءبىراق سوندا دا، ادامنىڭ ومىرىنە قاتىستى بولعان كەزدە، ەلدى مەكەندەردىڭ جاعدايىنا قاتىستى بولعان كەزدە، ارينە، ءبىزدىڭ ءتيىستى قىزمەت كورسەتەتىن ورگاندارىمىز، ءتيىستى ماماندار، جاۋاپتى تۇلعالار، ساقاداي ساي بولۋعا ءتيىس. وكىنىشكە قاراي، بۇل جاعداي بۇگىندە ورىن الماي وتىر. بۇل تۋرالى كەشە پرەزيدەنتىمىز ءوزىنىڭ باعاسىن بەردى»، - دەدى ءماجىلىس سپيكەرى.
سونداي- اق، ول بۇگىندە وسى ماسەلە بويىنشا كوپشىلىكتى الاڭداتىپ وتىرعان ساۋالدارعا توقتالدى.
«سۇراق كوپ. ەڭ ءبىرىنشى سۇراق، مۇنىڭ سەبەبى نەدەن؟ كىم ورماندى وتقا ورادى؟ ەكىنشىدەن، وسى ازاماتتاردى، ءتىپتى ورتپەن كۇرەسۋگە دايىن ەمەس ازاماتتاردى، قولدارىندا قۇرالى، تەحنيكاسى جوق، وزدەرىنىڭ كولىگىمەن بىرگە سول وتقا كىم ايداپ سالدى؟ وعان كىم بۇيرىق بەردى؟ بۇل دا سۇراق. نەگىزگى كىنالىلەردى قۇزىرەتتى ورگاندار تەكسەرىپ، تەرگەپ جاتىر. سونىڭ قورىتىندىسىندا بىلەمىز دەپ وياليمىن»، - دەدى ەرلان قوشانوۆ.
