استانادا مۇمكىندىگى شەكتەۋلى ازاماتتاردى وڭالتۋعا ارنالعان ورتالىق سالىنادى

بۇل تۋرالى باس شاھاردىڭ كوممۋنيكاتسيالار قىزمەتىندە وتكەن بريفينگىدە استانا قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ازامات وسپانوۆ ايتتى، دەپ حابارلايدى قازاقپارات ءتىلشىسى.

«قازاقستاندا مۇگەدەك ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە ەلوردادا 150 ورىنعا ارنالعان مۇگەدەكتىگى بار ادامدارعا ارنالعان وڭالتۋ ورتالىعىن سالۋ جوسپارلانۋدا. سونىمەن قاتار، 1,5 جاستان 18 جاسقا دەيىنگى مۇگەدەكتىگى بار بالالارعا ارنالعان جارتىلاي ستاتسيونار جاعدايىندا 30 توسەك- ورىنعا ارنالعان شاعىن ءۇي اشۋ جۇمىسى ءجۇرىپ جاتىر. بۇعان قوسا، قالادا 100 ورىنعا شاقتالعان پسيحونيەۆرولوگيالىق اۋرۋلارى بار مۇگەدەكتەر ءۇشىن فيليال اشۋ مۇمكىندىگى قاراستىرىلۋدا»، - دەپ ءبولىستى ازامات وسپانوۆ.

مۇنىمەن قاتار، بريفينگى بارىسىندا سپيكەر بىلتىر سال دەرتىمەن اۋىرعان 37 ەلوردالىق وڭالتۋدان كەيىن اياققا تۇرعانىن مالىمدەدى. جالپى بۇگىنگى تاڭدا ەلوردا اۋماعىندا 5556 ادام ارناۋلى الەۋمەتتىك قىزمەتتەرمەن قامتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى