بۇگىن - دۇنيەجۇزىلىك قان دونورى كۇنى
دەنساۋلىق ساقتاۋ مينيسترلىگى باسپا ءسوز قىزمەتىنىڭ مالىمەتىنشە، دۇنيەجۇزىلىك دونورلار كۇنى العاش رەت 2005-جىلى اتالىپ وتكەن.
دۇنيەجۇزىلىك دونورلار كۇنىن وتكىزۋ يدەياسى قان دونورلارىن تانۋ جانە العىس ايتۋ، سونداي-اق قاۋىپسىز قان مەن ونىڭ كومپونەنتتەرىنىڭ ءومىردى ساقتاپ قالۋداعى ماڭىزى تۋرالى حاباردار ەتۋ ماقساتىندا پايدا بولدى.
قان دونورلارى قوعامدا ماڭىزدى ءرول اتقارادى. ولار قان قۇيۋدى قاجەت ەتەتىندەردىڭ دەنساۋلىعى مەن ءال-اۋقاتىنا ۇلەس قوسادى. بۇل كوپتەگەن ادامنىڭ ءومىرىن ساقتاپ قالۋعا كومەكتەسەدى جانە قيىندىقتار مەن اۋرۋعا تاپ بولعاندارعا ءۇمىت بەرەدى.
جىل سايىن دۇنيەجۇزىلىك دونورلار كۇنى قان تاپسىرۋدىڭ ناقتى اسپەكتىلەرىنە باعىتتالعان ەرەكشە تاقىرىپقا يە. وسى جىلدىڭ باستى تاقىرىبى - «قان جانە قان پلازماسىن تاپسىرىڭىز، ءومىر سىيلاڭىز جانە ونى ءجيى جاساڭىز».
بۇل كۇنى بۇكىل الەمدە قان تاپسىراتىن ادامدار اتاپ ءوتىلىپ، العىس ايتىلادى. بارلىق مۇقتاج جاندى قاۋىپسىز قان ونىمدەرىمەن قامتاماسىز ەتۋ ءۇشىن ەرىكتى وتەۋسىز تۇراقتى قان مەن پلازما دونورلىعىنىڭ ماڭىزى زور.
قان دونورى بولۋ - قوعامنىڭ دەنساۋلىعى مەن ءال-اۋقاتىنا ۇلەس قوساتىن باتىر بولۋ.
جىل سايىن دۇنيەجۇزىلىك دونور كۇنىندە بارلىق قازاقستاندىق قان ورتالىقتارى مەرەكەلىك ءىس-شارالار، قۇرمەت كورسەتۋ، قان دونورلارىنا ارنالعان كونتسەرتتەر ۇيىمداستىرادى. 40 دوناتسياعا جەتكەن دونورلار توسبەلگىلەرمەن، دەنساۋلىق ساقتاۋ مينيسترلىگىنىڭ، جەرگىلىكتى اتقارۋشى ورگانداردىڭ العىس حاتتارىمەن ماراپاتتالادى. دوناتسيالار سانى از بەلسەندى دونورلار دا قان ورتالىقتارىنىڭ گراموتالارىمەن ماراپاتتالادى.
