ۆاينەرلەر ءىسى: پروكۋرور بەلگىلى ۆاينەرلەردى بەس جىلعا باس بوستاندىعىنان ايىرۋدى سۇرادى

سوت وتىرىسى ونلاين فورماتتا ءوتتى. وعان 12 ايىپتالۋشى قاتىستى. ولار قىلمىستىق كودەكستىڭ ەكى بابى: 217-بابى (3- بولىگى، 1- جانە 2- تارماقشاسى) «قارجى پيراميداسىن قۇرۋ جانە باسقارۋ» جانە 262-بابى (1- جانە 2 -بولىكتەرى) - «ۇيىمداسقان توپتى، قىلمىستىق ۇيىمدى قۇرۋ جانە باسقارۋ» بويىنشا ايىپتالۋدا. پروكۋرور ولاردىڭ ءارقايسىسىنا 6 جىلدان 15 جىلعا دەيىن باس بوستاندىعىنان ايىرۋدى سۇرادى.

مەيىرجان تورەبايەۆ پەن مەيىرحان شەرنيازوۆقا 217-باپ (3-بولىگى، 2-تارماقشاسى) بويىنشا بەس جىلعا باس بوستاندىعىنان جانە جەتى جىلعا بيزنەسپەن اينالىسۋ قۇقىعىنان ايىرۋدى سۇرادى. سونداي-اق، ولار جازانى ەڭ تومەنگى قاۋىپسىزدىك مەكەمەسىندە وتەۋى كەرەك ەكەنىن ايتتى.

تەرگەۋ بارىسىندا 262-باپ (2-بولىك) جانە 217-باپ (3-بولىگى، 1-تارماقشاسى) بويىنشا ۆاينەرلەردىڭ كىناسى دالەلدەنبەدى، سوندىقتان پروكۋرور ولاردىڭ ايىپتارىن الىپ تاستاۋدى سۇرادى.

جابىرلەنۋشىلەر پروكۋرور سۇراعان جازالاردى ءارتۇرلى قابىلدادى. كەيبىرى قاناعاتتانسا، كەيبىرى جازانى جەڭىل دەپ سانادى. جابىرلەنۋشىلەر سونداي-اق شىڭعىس قۇرمانعاليەۆتى، وراز ادىلەت پەن ءازىمجان سايدبايەۆتى قىلمىستىق جاۋاپقا تارتۋدى تالاپ ەتتى.

سوتتىڭ جالعاسى بۇگىن بولادى.

ەسكە سالايىق، وتكەن جىلدىڭ اقپان ايىندا تانىمال ۆاينەرلەر مەيىرجان تورەبايەۆ، ازيمجان سايدبايەۆ جانە مەيىرحان شەرنيازوۆ قارجى پيراميداسىن قۇردى دەگەن كۇدىكپەن ۇستالعان بولاتىن.

قارجى پيراميداسىن قۇردى دەگەن كۇدىككە ىلىنگەن ۆاينەر ازيمجان سايدبايەۆقا ىزدەۋ جاريالانعان.

وتكەن جىلدىڭ جەلتوقسان ايىندا قارجى پيراميداسىن قۇردى دەپ ايىپتالعان ۆاينەرلەردىڭ ءىسى سوتقا جولدانعان بولاتىن.

سونداي-اق سوتتىڭ شەشىمىمەن مەيىرجان تورەبايەۆ تەرگەۋ اباقتىسىنان ءۇي قاماققا اۋىستىرىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى