كامەلەتكە تولماعاندارعا ىشىمدىك ساتقان دۇكەندە«جاڭا ادامدار» ەرەۋىل وتكىزدى
قوزعالىس بەلسەندىلەرى «زاڭ» دەپ اتالاتىن ازاماتتىق اكسيا اياسىندا كامەلەتكە تولماعان جاستارعا ىشىمدىك پەن شىلىم ساتاتىن دۇكەن يەلەرىن تارتىپكە شاقىرعان بولاتىن. ءبىراق، ول ۇندەۋدەن دۇكەن يەلەرى اۋىز تولتىرىپ ايتاتىنداي قورىتىندى شىعارماسا كەرەك.
«كۇيشى دينا كوشەسى، 23/1 مەكەنجايىندا ورنالاسقان «Aidyn» دۇكەنىنىڭ اكىمشىسى 16 جاستاعى جاسوسپىرىمگە 40 گرادۋستىق ىشىمدىكتى ەش ويلانباستان ساتتى. «جاڭا ادامدار» وكىلى دۇكەن يەسىنە قاتەلىگىن تۇزەتۋگە مۇمكىندىك بەرگەن. دەگەنمەن، ولاردىڭ رەاكسياسى، جۇمسارتىپ ايتقاندا، وتە دورەكى بولعان. قاتەنى مويىنداۋدىڭ ورنىنا ءبىزدىڭ بەلسەندىلەرگە جۇدىرىق الا جۇگىردى»، - دەيدى تولەبي بيقاسىم.
قوزعالىس بەلسەندىلەرى مۇنداي دورەكىلىككە «يتاليان ەرەۋىلىمەن» جاۋاپ بەرگەن.
«قوزعالىس بەلسەندىلەرى ءبىر ساعات بويى سىرىڭكە، ساعىز سياقتى ەڭ ارزان تاۋارلاردى ءبىر- بىرلەپ ساتىپ الىپ، كەزەكتى قولدان ۇزارتتى. سونداي- اق، ساتىپ العان تاۋارىنىڭ ساپا دەڭگەيىن راستايتىن سەرتيفيكات قۇجاتتارى مەن تۇبىرتەك تالاپ ەتتى. ەسەپ ايىرىسىپ بولعان سوڭ، تاعى ءبىر دانا تاۋارمەن كەزەكتىڭ سوڭىنا تۇرىپ، دۇكەننىڭ جۇمىسىن باياۋلاتىپ وتىردىق. وسىنىڭ سالدارىنان ءبىر ساعاتتىڭ ىشىندە دۇكەن كاسساسىنا 200 تەڭگە ءتۇستى. وسى ارقىلى ءبىز دۇكەن يەسىنە زاڭعا نەمقۇرايلى قاراۋعا بولمايتىنىن، ول بارشا قازاقستاندىققا ورتاق ەكنەن كورسەتكىمىز كەلدى»، - دەيدى قوزعالىس بەلسەندىسى.
Посмотреть эту публикацию в Instagram
