مۇستافا شوقايدىڭ بەرليندەگى زيراتى ەشقايدا كوشىرىلمەيدى – س ءى م

«الەۋمەتتىك جەلىدە بەرليندەگى مۇستافا شوقايدىڭ زيراتىن بۇزىپ، قيراتىپ، باسقا جەرگە كوشىرگەلى جاتقانى تۋرالى جالعان اقپاراتتار تاراپ جاتىر. بۇل اقپارات راستالمايدى. ويتكەنى ءبىزدىڭ ەلشىلىكتىڭ قىزمەتكەرى دەرەۋ بارىپ، زيرات قىزمەتكەرلەرىمەن سويلەسىپ، فوتو، ۆيدەوعا ءتۇسىرىپ، ءبارىن ءوز كوزىمەن كورىپ كەلدى. مۇستافا شوقايدىڭ زيراتى ورنىندا. ەشقايدا كوشىرىلمەيدى. سوندىقتان مۇنداي وتىرىك اقپارات تاراتۋدى توقتاتۋ كەرەك»، - دەدى ايبەك سمادياروۆ.

سونداي-اق، ول تايلاندا ۇستالعان قازاقستان ازاماتىنا جەرگىلىكتى پوليتسيا قانداي ايىپ تاعىپ وتىرعانىن ايتتى.

«وكىنىشكە قاراي، كەيبىر ب ا ق اقپاراتتى قايتالاپ تەكسەرمەستەن، دەرەككوزگە سىلتەمە جاساپ تاراتقان. ءبىز مالىمەت سۇراتتىق، تاي بيلىگى راستادى. قازىر ونىڭ كىم ەكەنى انىقتالدى. راسىمەن ول قازاقستان رەسپۋبليكاسىنىڭ ازاماتى. تايلاند پوليتسياسى 45 تاۋلىككە قاماۋعا الدى. وعان اتالمىش ەلدە بولۋدىڭ ۆيزالىق رەجيمىن 4 كۇنگە اسىرىپ، بۇزعانى تۋرالى ايىپ تاعىلىپ وتىر. ودان باسقا رەسمي اقپارات تۇسكەن جوق. قازاقستاننىڭ تايلاندتاعى ەلشىلىگى بۇل ماسەلەنى باقىلاۋدا جانە تايلاندتىڭ قۇقىق قورعاۋ ورگاندارىمەن تۇراقتى بايلانىستا. ياعني، ونىڭ وق اتقانى، اتپاعانى بەلگىسىز. تەك كوشى- قون رەجيمىن بۇزعان»، - دەدى رەسمي وكىل.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى