تايلاندتا ۇستالعان قازاقستان ازاماتىنا قانداي ايىپ تاعىلعانى بەلگىلى بولدى
«وكىنىشكە قاراي، كەيبىر ب ا ق اقپاراتتى قايتالاپ تەكسەرمەستەن، دەرەككوزگە سىلتەمە جاساپ تاراتقان. ءبىز مالىمەت سۇراتتىق، تاي بيلىگى راستادى. قازىر ونىڭ كىم ەكەنى انىقتالدى. راسىمەن ول قازاقستان رەسپۋبليكاسىنىڭ ازاماتى. تايلاند پوليتسيتسياسى 45 تاۋلىككە قاماۋعا الدى. وعان اتالمىش ەلدە بولۋدىڭ ۆيزالىق رەجيمىن 4 كۇنگە اسىرىپ، بۇزعانى تۋرالى ايىپ تاعىلىپ وتىر. ودان باسقا رەسمي اقپارات تۇسكەن جوق. قازاقستاننىڭ تايلاند ەلشىلىگى بۇل ماسەلەنى باقىلاۋدا جانە تايلاندتىڭ قۇقىق قورعاۋ ورگاندارىمەن تۇراقتى بايلانىستا. ياعني، ونىڭ وق اتقانى، اتپاعانى بەلگىسىز. تەك كوشى-قون رەجيمىن بۇزعان»، - دەدى رەسمي وكىل.
ەسكە سالساق، بۇعان دەيىن پحۋكەت اۋەجايىندا قازاقستان ازاماتىنىڭ ۇستالعانى حابارلانعان ەدى.
