مال شارۋاشىلىعىنداعى كورسەتكىشتەر جاقسارىپ كەلەدى – ق ر ا ش م

«تالداۋ جۇمىستارى جالپى سالانىڭ تۇراقتى قارقىنمەن دامىپ كەلە جاتقانىن كورسەتىپ وتىر. مالدىڭ بارلىق تۇرلەرىنىڭ سانى تۇراقتى وسۋدە. وتكەن 2022 -جىلدىڭ وزىندە ءىرى قارا مال سانى % 4,2، قوي % 4,8، جىلقى % 10,5، تۇيە % 6,5، قۇس % 4 كوبەيدى»، - دەدى ە. قاراشوكەيەۆ بۇگىن ۇكىمەت وتىرىسىندا.

سونىمەن قاتار مال شارۋاشىلىعىن دامىتۋدىڭ ساپالىق كورسەتكىشتەرى دە ۇلعايىپ وتىر. اتاپ ايتقاندا، ساۋىلاتىن ءسۇت ورتا ەسەپپەن % 4,7 ارتتى، قويلاردىڭ سويىس سالماعى % 8,6، جۇمىرتقا % 17,2 وسكەنى بايقالادى.

مينيستر 2022 -جىلى مال شارۋاشىلىعى ونىمدەرىن ءوندىرۋ كولەمى % 0,9 ۇلعايعانىن، بيىلعى 5 ايدا ءوسىم %3,6 قۇراعانىن جەتكىزدى.

«مەملەكەتتىك قولداۋ شارالارىن كۇشەيتۋ ەسەبىنەن مالدىڭ بارلىق ءتۇرى بويىنشا اسىل تۇقىمدى مالدىڭ ۇلەس سالماعى ءوستى. مىسالى، اسىل تۇقىمدى ءىرى قارا مالدىڭ ۇلەس سالماعى جالپى ءىرى قارا مال باسىنا شاققاندا % 7- دان % 13,5- عا دەيىن ءوستى. سونداي- اق، سەلەكتسيالىق جانە اسىل تۇقىمدىق جۇمىس پروتسەسىنە جانە تۇقىمدىق تۇرلەندىرۋگە تارتىلعان فەرمەرلىك شارۋاشىلىقتاردىڭ سانى 2022 -جىلى 6 مىڭنان 22 مىڭعا دەيىن ارتتى»، - دەدى اۋىل شارۋاشىلىعى ءمينيسترى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى