ۇكىمەت باسشىسى ورمانداعى ءورت جونىندە: تەحنيكا مەن ادامداردى كوبىرەك جىبەرۋ كەرەك ەدى

«مەن بۇعان دەيىن ءورت كەڭىنەن تاراماي تۇرىپ، باستالعان ساتتە، ونى ءسوندىرۋ ءۇشىن شۇعىل ارەكەت ەتۋ كەرەكتىگىن ەسكەرتكەن بولاتىنمەن. ءورتتىڭ تارالۋىنا جول بەرمەۋ ءۇشىن تەحنيكا مەن ادامداردى كوبىرەك جىبەرۋ كەرەك ەدى. دالادا نەمەسە ورماندا ءورت شىققان ءبىرىنشى كۇنى العاشقى ساعاتتاردا ءتيىستى قادامداردى قابىلداۋ وتە ماڭىزدى. مۇندايدا جاعدايدى دۇرىس باعالاپ، كەز كەلگەن اپاتتىڭ الدىن الۋعا بارلىق كۇش- جىگەردى جۇمساۋ كەرەك. سوندا عانا شىعىن ازايىپ، ادام ءولىمى مەن اۋقىمدى اپاتتان امان قالۋعا بولادى»، - دەدى ۇكىمەت باسشىسى.

وسى ورايدا پرەمەر- مينيستر ەكولوگيا مينيسترلىگى توتەنشە جاعدايلار مينيسترلىگىمەن بىرلەسىپ، ەلدىڭ ۇلتتىق پاركتەرى مەن ورمان شارۋشىلىقتارىن ءتىلسىز جاۋدى ەرتە انىقتاۋ جانە مونيتورينگ جۇيەلەرىمەن جاراقتاندىرۋ جونىندە ءىس- شارالار قابىلداۋى كەرەكتىگىن ايتتى.

«توتەنشە جاعدايلار مينيسترلىگى مۇددەلى مەملەكەتتىك ورگاندارمەن بىرگە تابيعي ورتتەرگە قارسى ارەكەت ەتۋ الگوريتمىن قايتا قاراۋى قاجەت. ەڭ باستىسى، جالىندى تولىقتاي اۋىزدىقتاپ، ءوشىرۋ كەرەك. مەملەكەت باسشىسىنىڭ بارلىق تاپسىرمالارى ورىندالۋى ءتيىس»، - دەدى ءاليحان سمايىلوۆ.

سونىمەن قاتار، ءورت اۋماعىن ايەروۆيزۋالدى تەكسەرۋ جانە ءورت وشاقتارىنا اۋەدەن سۋ توگۋ ءۇشىن تىكۇشاقتار تارتىلدى. وتكەن تاۋلىكتە ءورت وشاقتارىنا اۋەدەن 546 رەت سۋ توگىلدى، جالپى كولەمى - 1500 توننادان استام. ءورتتى ءسوندىرۋ جۇمىستارى باستالعاننان بەرى ءورت وشاقتارىنا اۋەدەن 1323 رەت سۋ توگىلدى، جالپى كولەمى - 4000-عا تونناعا جۋىق.

اۆتور:

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى