جۋسان بانىك اكتيۆتەرى قازاقستانعا قايتارىلدى
«2021 -جىلى جوسپارلانعان ءىس- ارەكەتتىڭ سالدارىنان Jusan Bank جانە تەلەكوممۋنيكاتسيا، اۋىل شارۋاشىلىعى جانە وزگە دە سالالارداعى ءبىرقاتار ءىرى اكتيۆتى قامتيتىن Jusan توبى شەتەلدىك قۇزىرەتكە شىعارىلعان بولاتىن. قازاقستان ۇكىمەتى ءىس جۇزىندە توپقا باقىلاۋ جاساۋدان ايىرىلىپ قالدى. قازاقستان ادىلەت مينيسترلىگىنىڭ وزگە دە مەملەكەتتىك ورگاندارمەن بىرگە قابىلداعان ءىس- شارالارىنىڭ ناتيجەسىندە Jusan توبى ەلىمىزدىڭ قۇزىرەتىنە قايتارىلدى. قاجەتتى قۇجاتتارعا قول قويىلدى»، - دەپ اتاپ وتەدى ۆەدومستۆودان.
مينيسترلىك مالىمەتىنشە، توپ ۇكىمەتتىڭ جانە باسقا دا مەملەكەتتىك قۇرىلىمداردىڭ باقىلاۋىمەن قازاقستان زاڭناماسىنا ساي جۇمىس ىستەيتىن بولادى.
«Jusan Bank قازاقستاننىڭ ءبىلىم بەرۋ ۇيىمدارىن قارجىلاندىرۋدى جالعاستىرۋعا مىندەتتەمە الدى. بانك بۇعان دەيىن العان مەملەكەتتىك كومەكتى مەرزىمىنەن بۇرىن قايتارادى. مەملەكەت باسشىسىنىڭ سىرتقا شىعارىلعان اكتيۆتەردى قايتارۋ تاپسىرماسىن جۇزەگە اسىرۋ جالعاسادى» ،- دەلىنگەن ادىلەت مينيسترلىگىنىڭ اقپاراتىندا.
