الاپات ءورت ءالى باسىلعان جوق - اباي وبلىسىنىڭ اكىمى
ءوڭىر باسشىسى الدىمەن جالىننىڭ ءالى باسىلا قويماعانىن، دەسە دە ورمان ورتىنەن جاقىن اۋماقتاعى اۋىلدارعا قاۋىپ جوق ەكەنىن جەتكىزدى.
«بىرىنشىدەن، وبلىس تەرريتورياسىنداعى الاپات ءورت ءالى باسىلعان جوق. ءورت سوندىرۋشىلەر ارنايى تەحنيكالاردى قولدانىپ، ءتىلسىز جاۋمەن كۇندىز- ءتۇنى كۇرەسىپ جاتىر. جاقىن اۋماقتاعى اۋىلدارعا قاۋىپ جوق، بۇل ءبىزدىڭ باقىلاۋىمىزدا. جاقىن ەلدىمەكەندەردىڭ تۇرعىندارىن ەۆاكۋاتسيالادىق، ازاماتتارىمىزعا قاجەتتى ازىق- تۇلىك جەتكىلىكتى.
ەكىنشىدەن، مەملەكەت باسشىسىنىڭ تاپسىرماسىن ورىنداۋ ءۇشىن قاجەتتى شارالاردى قولعا الۋدامىز. ۇكىمەتپەن بىرلەسىپ، ءورت كەزىندە قازا تاپقان ورمانشىلاردىڭ وتباسىلارىنا ماتەريالدىق جاعىنان تولىق كومەكتەسۋدى قامتاماسىز ەتەمىز» ، - دەدى نۇرلان ۇرانحايەۆ.
