ەۋروپالىق پارلامەنتتىڭ ورتالىق ازيا ەلدەرى جونىندەگى دەلەگاتسيا باسشىسى قازاقستان حالقىنا كوڭىل ايتتى
«وكىنىشكە قاراي، ستراسبۋرگ قالاسىنداعى ەۋروپالىق پارلامەنتتىڭ پلەنارلىق سەسسياسىنا قاتىسۋىما بايلانىستى بريۋسسەلدەگى قازاقستان ەلشىلىگىنىڭ كوڭىل ايتۋ كىتابىنا ءوز قولىممەن جازبا قالدىرا المادىم»، - دەپ جازدى ەۋروپالىق دەپۋتات ەلەكتروندىق پوشتامەن جىبەرگەن حاتىندا.
«سەمەي ورماتى» رەزەرۆاتىنداعى ءورت سالدارىنان 14 جۇمىسشىنىڭ قازا تابۋىنا بايلانىستى قازاقستان حالقىنا قايعىرا كوڭىل ايتامىن. ازا تۇتۋعا ورتاقتاسىپ، ولاردىڭ وتباسىنا، دوستارىنا جانە ارىپتەستەرىنە شىن جۇرەكتەن كوڭىل ايتامىن.
ءوتىنىش، پرەزيدەنت قاسىم-جومارت توقايەۆقا دا كوڭىل ايتقانىمدى جەتكىزسەڭىزدەر. 2023-جىلدىڭ 12- ماۋسىمىن جالپىۇلتتىق ازا تۇتۋ كۇنى دەپ جاريالاۋى قازاق حالقىنىڭ اپات الدىنداعى بىرلىگى مەن ىنتىماعىن كورسەتەدى»، - دەپ اتاپ ءوتتى ت. زدەحوۆسكي.
بۇگىن بەلگياداعى ق ر ەلشىلىگىندە مەملەكەتتىك تۋ ءتۇسىرىلدى. بريۋسسەل تۇرعىندارى مەن شەتەلدىك ديپلوماتتار كوڭىل ايتۋ ءۇشىن ق ر ديپميسسياسىنا كەلىپ، كوڭىل ايتۋ كىتابىنا جازبا قالدىرىپ جاتىر.
