جاڭا سالىق كودەكسى الەۋمەتتىك ماڭىزى بار تاۋار وندىرۋشىلەرگە جەڭىلدىك ۇسىنۋى مۇمكىن

بۇل جايىندا ول سەناتتا وتكەن دوڭگەلەك ۇستەلدەن كەيىن ب ا ق وكىلدەرىنىڭ سۇراعىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

«بىزدە قوسىمشا قۇن سالىعىنىڭ بازالىق مولشەرلەمەسى بار. بازالىق مولشەرلەمە قازىر 12 پايىز. سونى سارالاۋ كەرەك دەگەن نۇسقالار بار. مىسالى، الەۋمەتتىك ماڭىزى بار ونىمدەر ءۇشىن 8 پايىز بولۋ كەرەك دەگەن نۇسقا قارالىپ جاتىر. مەديتسينالىق تاۋارلاردىڭ قوسىلعان قۇن سالىعى 3 پايىز بولۋ كەرەك دەپ وتىرمىز. ال اۋىل شارۋاشىلىعى ءونىمى بولسا، 3-5 پايىز اراسىندا بولۋى مۇمكىن. قازىر ەسەپتەر ءجۇرىپ جاتىر»، - دەدى ول.

ۆيتسە-مينيستر كورپوراتيۆتىك تابىس سالىعىن سارالاپ سالۋ باعىتىنداعى ۇسىنىستارعا دا توقتالدى.

«كورپوراتيۆتىك تابىس سالىعىنا كەلسەك، جالپى بازالىق مولشەرلەمە 20 پايىز بولادى. ۇلعايتىلعان مولشەرلەمە جەكە ساناتتار ءۇشىن 25 پايىز بولۋى مۇمكىن. سونداي-اق، تومەندەتىلگەن مولشەرلەمە ۇسىنىلىپ وتىر. بۇل 10 پايىزدان 0 پايىزعا دەيىن. تومەندەتىلگەن مولشەرلەمە ءوندىرىستى كەڭەيتۋگە جانە قوسىلعان قۇنىن ارتتىرۋعا ينۆەستيتسيا سالعاندار ءۇشىن قاراستىرىلۋدا. ياعني، وسى تالاپقا ساي كەلگەن كەز كەلگەن سالانىڭ وندىرىسىنە وسىنداي جەڭىلدىك بەرىلۋى مۇمكىن»، - دەدى ازامات ءامرين.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى