جىل باسىنان بەرى قانشا مىڭ قازاقستاندىق كولىك جۇرگىزۋ قۇقىعىنان ايرىلعانى بەلگىلى بولدى
بۇل تۋرالى ىشكى ىستەر مينيسترلىگى اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا ءمالىم ەتتى، دەپ حابارلايدى قازاقپارات ءتىلشىسى.
«جىل باسىنان بەرى 128 مىڭعا جۋىق جاياۋ جۇرگىنشى جانە 7 مىڭنان استام ماس كولىك جۇرگىزۋشىسى اكىمشىلىك جاۋاپكەرشىلىككە تارتىلدى. سونىمەن قاتار 6 مىڭنان استام جۇرگىزۋشى كولىك باسقارۋ قۇقىعىنان ايىرىلدى. سول سياقتى 8 مىڭعا جۋىق ادام قاماۋعا الىندى. بۇل دەرەكتەر جول ەرەجەلەرى قاۋىپسىزدىگىن ساقتاۋعا قوعامنىڭ ءار مۇشەسى جاۋاپتى ەكەنىن بىلدىرەدى»، - دەدى اقتوتى بورانوۆا ىشكى ىستەر مينيسترلىگىندە وتكەن باسپا ءسوز ءماسليحاتىندا.
ونىڭ ايتۋىنشا، جول ءجۇرۋ ەرەجەلەرى وتباسىندا، مەكتەپتە جانە قوعامدا ۇنەمى ايتىلىپ، ءتۇسىندىرۋ جۇمىستارى كەڭىنەن جۇرگىزىلۋى ءتيىس.
«ودان بولەك، جولدا دورەكىلىككە، نەمقۇرايلىق پەن باسسىزدىققا جول بەرمەۋ كەرەك. سونىمەن قاتار ىشىمدىك ءىشىپ نەمەسە ەسكىرتكىگە ماسايىپ كولىك جۇرگىزەتىندەر بار، ولاردان كەلەتىن ءقاۋىپ جوعارى. قوعامدىق ءتارتىپتى ساقتاپ، زاڭ تالاپتارىن ورىنداۋ بارشاعا ورتاق مىندەت. ول ساقتالماعان جاعدايدا قوعام مۇشەلەرى زارداپ شەگۋى مۇمكىن»، - دەيدى ول.
