ەلىمىزدە ەلەكتروموبيلدەر سانى ءۇش ەسە ارتتى

اسىرەسە، مۇنداي كورسەتكىش وتكەن جىلى جەلتوقساندا بايقالدى. ءبىر ايدىڭ ىشىندە 521 ەلەكتروموبيل تىركەلگەن. سونداي-اق، بيىل قاڭتار-ناۋرىز ايلارىندا جاڭا ەلەكتروكارلاردىڭ ساتىلىمى ايتارلىقتاي ارتقان، دەپ حابارلايدى قازاقپارات ءتىلشىسى Energyprom.kz رەسۋرسىنا سىلتەمە جاساپ.

بۇل - سوڭعى ون جىلداعى ەلەكتروموبيلدەر سانىنداعى العاشقى ماڭىزدى وزگەرىس. ۇلتتىق ستاتيستيكا بيۋروسى ەلەكتر كولىگى بويىنشا دەرەكتەردى 2012-جىلدان باستاپ جاريالاپ كەلەدى. ەلەكتر كولىكتەرىنىڭ رەكوردتىق سانى (785 ەلەكتر كولىگى) بۇعان دەيىن 2016-جىلدىڭ 1- قاڭتارىندا تىركەلدى.

الايدا، ەلەكتروموبيلدەر سانىنىڭ ارتقانىنا قاراماستان، وتاندىق اۆتوپاركتەردەگى ولاردىڭ ۇلەسى وتە از. ەگەر وتكەن جىلدىڭ ناۋرىز ايىندا ەلەكتر كولىكتەرىنىڭ ۇلەس سالماعى 0,01 پايىز بولسا، بيىل 1- ساۋىردە ول 0,04 پايىزعا عانا ءوستى.

1,9 مىڭ «جاسىل» كولىكتىڭ 1,6 مىڭى جەڭىل اۆتوموبيلدەر. ولاردىڭ ۇلەسى 84 پايىزدان اسادى. ال ەلەكتر قوزعالتقىشتارى بار جۇك كولىكتەرى (8,8 پايىز) مەن اۆتوبۋستار (6,9 پايىز) الدەقايدا از. قوعامدىق كولىكتەردىڭ نەگىزگى بولىگىن، ستاتيستيكالىق ەسەپتەرگە سايكەس، وتكەن جىلدىڭ جەلتوقسانىندا عانا ساتىپ الا باستادى. ياعني 109 ەلەكتروبۋس تىركەلدى، ال بيىل ناۋرىزدىڭ سوڭىنا قاراي ولاردىڭ سانى 134 كە جەتتى.

ەلەكتروبۋس قالالىق قوعامدىق كولىكتەرى كوبىنە استانا (67) مەن الماتىدا (32) بايقالادى. استانا اكىمدىگى باسپا ءسوز قىزمەتىنىڭ مالىمەتىنشە، وتكەن جىلى مەگاپوليستەگى قالالىق مارشرۋتتارعا ەلەكتر قوزعالتقىشى بار 115 اۆتوبۋس شىعارىلدى. 2023-جىلدىڭ سوڭىنا دەيىن استانانىڭ ەلەكتر اۆتوبۋستار پاركى 300 گە دەيىن ارتادى.

1,2 مىڭ نەمەسە 63,9 پايىز باتارەيالى اۆتوموبيلدەر الماتىدا تىركەلگەن. بۇعان بىرنەشە فاكتور اسەر ەتكەن. سونىڭ ءبىرى - قالادا ميلليونەر- كاسىپكەرلەردىڭ جوعارى كونتسەنتراتسياسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى