سۋرەتكە تۇسپەك بولعان: بۋرابايدا تاۋدان قۇلاعان ايەل كوز جۇمدى
اقمولا وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، قايعىلى وقيعا 11- ماۋسىمدا بولعان. انىقتالعانداي، قايتىس بولعان ايەل ءبىر كۇن بۇرىن وتباسىمەن بىرگە استانادان بۋراباي اۋدانىنا كەلگەن. بولەكتاۋ تاۋىنىڭ شولۋ الاڭىندا سۋرەتكە تۇسپەكشى بولعان كەزدە تومەن قۇلاپ، تاسقا سوعىلعان.
«ادام ءولىمى دەرەگى بويىنشا سوتقا دەيىنگى تەرگەۋ باستالدى، وقيعانىڭ ءمان- جايى انىقتالىپ جاتىر»، - دەدى ۆەدومستۆودان.
وسى رەتتە، ءتارتىپ ساقشىلارى ءوڭىر تۇرعىندارى مەن قوناقتارىنا دەمالۋعا بارعاندا ساق بولۋدى جانە قاجەتتى قاۋىپسىزدىك شارالارىن ساقتاۋدى سۇرايدى.
ايتا كەتسەك، بۇدان بۇرىن بۋرابايدا قۇيىندى جەل قايىقتاردى كوككە كوتەرگەنىن جازعان ەدىك.
