پرەزيدەنت: مەن كەلەدى دەپ اياق استىنان جول جوندەۋ - مۇلدەم ماسقارا جاعداي

ورمانشىلاردىڭ وتباسى مۇشەلەرىنىڭ ءبىرى جول تۋرالى سۇرادى.

«ءبىزدىڭ ۋسپەنكا اۋىلىندا ەشقاشان اسفالت بولعان ەمەس. شاعىل جول عانا. مۇنداعى ادامدار اسفالتتى ومىرىندە كورمەگەن. ءتىپتى قازىر ءورت سوندىرۋگە كەلگەندەردىڭ كولىگى دە دۇرىس جۇرە المادى. جول جوندەڭدەر دەپ شاعىمدانساق، وتىنىشىمىزگە قۇلاق اسقان ەمەس. ىلعي «قارجى جوق» دەپ قايتارادى. ال قازىر ءسىز كەلەدى دەگەن سوڭ جولداردى جوندەپ شىقتى، ادەمىلەپ بىلاي جاماپ قويعان. قاراڭىزشى»، - دەدى ول.

«مەن كەلەدى دەپ اياق استىنان جول جوندەي باستاۋ دۇرىس ەمەس. بۇل - مۇلدەم ماسقارا جاعداي. مەن بۇل تۋرالى وقىدىم، بىلەمىن. كىنالىلەر جازالانادى»، - دەدى مەملەكەت باسشىسى.

ەسكە سالا كەتەيىك، اباي وبلىسىنىڭ اكىمدىگى بۇل اقپاراتتى جوققا شىعارىپ، مالىمدەمە جاساعان ەدى.

ۆەدومستۆونىڭ ايتۋىنشا، «بورودۋليحا- جەرنوۆكا- پوللوگ» جولىندا كولىك قۇرالدارىنىڭ، ونىڭ ىشىندە قۇتقارۋ قىزمەتى مەن ۆولونتەرلەردىڭ قوزعالىس قارقىنى ارتقان. وسىعان بايلانىستى ءورت ءسوندىرۋ شتابىنا كەلىپ- كەتەتىن اۆتوموبيل اعىنىن ەسكەرىپ، قاۋىپسىز قوزعالىستى قامتاماسىز ەتۋ جانە ءجۇرۋ بولىگىن شاڭنان ارىلتۋ ماقساتىندا جولداعى شۇڭقىرلار ۋاقىتشا بىتەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى